કચ્છ-ગુજરાત ટ્રાન્સપોર્ટ, સ્ટાર ઇમ્પેક્સ પેઢીમાં વિસ્તૃત તપાસ હાથ ધરાઈ, એકની શોધખોળ
ભાવનગર,તા.3
ડીજીજીઆઇની ટુકડી ભાવનગરમાં વધુ એક વખત તપાસાર્થે આવી હતી અને શહેરમાં કચ્છ-ગુજરાત ટ્રાન્સપોર્ટ, સ્ટાર ઇમ્પેક્સ પેઢીમાં વિસ્તૃત તપાસ હાથ ધરી છે. બોગસ બિલિંગ ક્ષેત્રે સંકળાયેલા સોહિલ તૂગડાની તંત્ર દ્વારા શોધખોળ કરવામાં આવી રહી હોવાનું અને ગુરૂવારે મોડી રાત સુધી તે હાથમાં આવ્યો ન હોવાનું સૂત્રો પાસેથી જાણવા મળ્યું છે.
બીજી બાજુ ડીજીજીઆઇની કાર્યવાહી શુક્રવારે પણ શહેરમાં યથાવત્ રહી છે, ઉસ્માન હમીદાણી અને ધવલ સરવૈયાએ ભાવનગરમાં અનેક લોકોને સાથે રાખી બોગસ બિલિંગનો કારોબાર ચલાવ્યો હતો, પરંતુ સ્થાનિક જીએસટી તંત્ર અંધારામાં રહ્યું હતુ, અને જીએસટી ઇન્ટેલિજન્સ વિંગે કાર્યવાહી કરી હતી અને આ પ્રકરણમાં વધુ તપાસ ચાલી રહી હોવાનું જાણવા મળ્યું છે.
