IPL 2023માં આજે (2 એપ્રિલ) સનરાઈઝર્સ હૈદરાબાદ અને રાજસ્થાન રોયલ્સ વચ્ચે ટક્કર થશે. બપોરે 3.30 કલાકે બંને ટીમો આમને-સામને થશે. આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. રાજસ્થાન રોયલ્સ ટીમ છેલ્લી સીઝનની ફાઇનલિસ્ટ રહી છે, જ્યારે હૈદરાબાદની ટીમ છેલ્લી વખત પ્લેઓફમાં સ્થાન બનાવી શકી ન હતી.
IPLની છેલ્લી સીઝનની સરખામણીએ આ વખતે પણ રાજસ્થાનની ટીમમાં બહુ ફેરફાર નથી. ટીમના પ્લેઇંગ-11માં મોટાભાગના ખેલાડીઓ ગત સીઝનના ટોપ-11 જેવા જ રહેવાના છે. પ્રસિદ્ધ કૃષ્ણાની ઈજા ચોક્કસપણે રાજસ્થાન માટે આંચકો હશે, પરંતુ જેસન હોલ્ડર જેવા સ્ટાર ઓલરાઉન્ડરની એન્ટ્રીથી આ ઉણપ ઘણી હદ સુધી પુરી થઈ શકે છે. બીજી તરફ હૈદરાબાદની ટીમમાં વધુ ફેરફાર જોવા મળશે. મયંક અગ્રવાલ અને હેરી બ્રુક જેવા ખેલાડીઓ ટીમની બેટિંગને મજબૂત બનાવશે. બોલિંગમાં આદિલ રાશિદ જેવો સ્પિનર આ ટીમ માટે મહત્વપૂર્ણ સાબિત થઈ શકે છે.
હૈદરાબાદના રાજીવ ગાંધી ઈન્ટરનેશનલ સ્ટેડિયમની પીચ બેટિંગ માટે અનુકૂળ રહેશે. ફાસ્ટ બોલરોને પણ અહીં મદદ મળી રહી છે. સ્પિનરો માટે અહીં કંઈ જ થશે નહીં. જો આપણે IPL 2018 થી અહીં યોજાયેલી મેચો પર નજર કરીએ તો, ઝડપી બોલરોએ 8.07ના ઇકોનોમી રેટથી બોલિંગ કરી છે અને 25.17ની બોલિંગ એવરેજથી વિકેટ લીધી છે. અહીં રમાયેલી છેલ્લી બે T20 આંતરરાષ્ટ્રીય મેચોમાં માત્ર પાછળથી બેટિંગ કરનારી ટીમને જ સફળતા મળી છે.
બંને ટીમોની પ્લેઈંગ-11?
હૈદરાબાદની સંભવિત પ્લેઇંગ-11: મયંક અગ્રવાલ, અભિષેક શર્મા, હેરી બ્રુક, રાહુલ ત્રિપાઠી, ગ્લેન ફિલિપ્સ (વિકેટકીપર), વોશિંગ્ટન સુંદર, અબ્દુલ સમદ, ભુવનેશ્વર કુમાર (કેપ્ટન), અકીલ હુસૈન/આદિલ રશીદ, ઉમરાન મલિક, ટી નટરાજન.
રાજસ્થાનની સંભવિત પ્લેઈંગ-11: જોસ બટલર, યશસ્વી જયસ્વાલ, દેવદત્ત પડિકલ, સંજુ સેમસન (કેપ્ટન અને વિકેટકીપર), શિમરોન હેટમેયર, રિયાન પરાગ, આર.અશ્વિન, આકાશ વશિષ્ઠ, જેસન હોલ્ડર, ટ્રેન્ટ બોલ્ટ, યુઝવેન્દ્ર ચહલ.
DC vs LSG IPL 2023: જીત સાથે લખનઉ સુપર જાયન્ટ્સની શરૂઆત, દિલ્હી કેપિટલ્સને આપી કારમી હાર
શનિવારે (01 એપ્રિલ) રમાયેલી મેચમાં લખનઉ સુપર જાયન્ટ્સે દિલ્હી કેપિટલ્સને 50 રનથી હરાવ્યું હતું. 194 રનના લક્ષ્યાંકનો પીછો કરવા ઉતરેલી દિલ્હીની ટીમ 9 વિકેટ ગુમાવીને 143 રન જ બનાવી શકી હતી. લખનઉ સુપર જાયન્ટ્સની જીતનો હીરો હતો કેરેબિયન ક્રિકેટર કાયલ મેયર્સ જેણે 73 રનની શાનદાર ઇનિંગ રમી હતી. આ સાથે જ ઈંગ્લિશ ફાસ્ટ બોલર માર્ક વૂડે પણ ઘાતક બોલિંગ કરતા પાંચ વિકેટ ઝડપી હતી.
