દેશમાં કોરોનાના સક્રિય કેસોની સંખ્યા ફરી એકવાર સતત વધી રહી છે. વાર જાણે એમ છે કે, ભારતમાં રવિવારે 3,800થી વધુ નવા કોવિડ -19 કેસ નોંધાયા છે. જાન્યુઆરી 2022 માં ત્રીજી લહેર પછી છેલ્લા સાત દિવસમાં ચેપની સંખ્યામાં સૌથી ઝડપી દરે વધારો થયો છે. 6 મહિનામાં દૈનિક કેસની આ સૌથી વધુ સંખ્યા છે. છેલ્લા અઠવાડિયામાં (26 માર્ચથી 1 એપ્રિલ) દેશમાં 18,450 થી વધુ નવા કેસ નોંધાયા છે. જે અગાઉના સપ્તાહમાં નોંધાયેલા 8,781 કેસ કરતાં 2.1 ગણો વધુ છે.
એક અહેવાલ મુજબ હવે કેસ બમણા થવાનો સમય ઘટીને સાત દિવસથી ઓછો થઈ ગયો છે. છેલ્લી વખત એક અઠવાડિયામાં દૈનિક સંખ્યા બમણીથી વધુ ત્રીજી લહેર દરમિયાન હતી. સારી વાત એ છે કે, દૈનિક કેસ પ્રમાણમાં ઓછા રહ્યા છે અને મૃત્યુમાં પણ સામાન્ય વધારો થયો છે. છેલ્લા સાત દિવસમાં 29થી 36 મૃત્યુ નોંધાયા છે.
