IPL 2023માં, ચેન્નાઈ સુપર કિંગ્સે લખનૌ સુપર જાયન્ટ્સ સામે રમાયેલી મેચ દ્વારા જીતનું ખાતું ખોલ્યું છે. ગુજરાત ટાઇટન્સ સામે પ્રથમ મેચ હાર્યા બાદ ચેન્નાઇએ તેની બીજી મેચમાં લખનૌને 12 પોઇન્ટથી હરાવ્યું હતું. આ મેચમાં CSKના કેપ્ટન મહેન્દ્ર સિંહ ધોનીએ બે બોલમાં બે સિક્સર ફટકારીને બધાનું દિલ જીતી લીધું હતું. તે જ સમયે, આ સિઝનમાં ધોનીની નિવૃત્તિની ચર્ચા જોરમાં છે. કહેવામાં આવી રહ્યું છે કે ધોનીની આ છેલ્લી IPL હશે. હવે આ અંગે રવિન્દ્ર જાડેજાએ મોટું નિવેદન આપ્યું છે.
જાડેજાએ જણાવ્યું કે ધોની ક્યારે અને કેવી રીતે IPLને અલવિદા કહેશે
42 વર્ષીય મહેન્દ્ર સિંહ ધોની વિશે સતત એવી અટકળો લગાવવામાં આવી રહી છે કે ધોની IPL 2023 પછી નહીં રમે, આ તેની છેલ્લી IPL હશે. આ બધાની વચ્ચે ચેન્નાઈ સુપર કિંગ્સના સ્ટાર ઓલરાઉન્ડર રવિન્દ્ર જાડેજાએ ધોનીની નિવૃત્તિ વિશે વાત કરતા કહ્યું, “મહેન્દ્ર સિંહ ધોની ભાઈ જાણે છે કે તેણે શું કરવાનું છે. જો તે IPLમાં રમવાનું ચાલુ રાખવા માંગે છે તો તે આમ કરશે. જ્યારે તે ગુડબાય કહે છે, ત્યારે તે શાંતિથી કરશે.
ચેપોકમાં ચેન્નાઈ 1426 દિવસ પછી જીત્યું
ચેન્નાઈ સુપર કિંગ્સે ચેપોકમાં લગભગ ચાર વર્ષ એટલે કે 1426 દિવસ પછી મેચ રમી હતી. આ મેચમાં ચેન્નાઈનો 12 રને વિજય થયો હતો. લખનૌ સામે રમાયેલી મેચમાં પ્રથમ બેટિંગ કરતા CSKએ 20 ઓવરમાં 7 વિકેટે 217 રન બનાવ્યા હતા. ટીમ તરફથી ઓપનિંગ પર આવેલા રૂતરાજ ગાયકવાડ અને ડ્વેન કોનવેએ શાનદાર ઇનિંગ રમી હતી. રૂતુરાજે 31 બોલમાં 54 રન અને કોનવેએ 29 બોલમાં 47 રન બનાવ્યા હતા. રૂતુરાજની ઇનિંગમાં 3 ચોગ્ગા અને 4 છગ્ગા, કોનવેની ઇનિંગમાં 5 ચોગ્ગા અને 2 છગ્ગા સામેલ હતાં.
લક્ષ્યનો પીછો કરવા ઉતરેલી લખનૌ સુપર જાયન્ટ્સની ટીમ કેએલ રાહુલની આગેવાની હેઠળ 20 ઓવરમાં 7 વિકેટ ગુમાવીને 205 રન જ બનાવી શકી હતી. ટીમ માટે ઓપનિંગ પર આવેલા કાયલ મેયર્સે 22 બોલમાં 8 ફોર અને 2 સિક્સરની મદદથી 53 રનની ધમાકેદાર ઇનિંગ રમી હતી.
