IPL 2023 માં આજે (9 એપ્રિલ) બે મેચ રમાશે. પ્રથમ મેચમાં ગુજરાત ટાઇટન્સ અને કોલકાતા નાઇટ રાઇડર્સ ટકરાશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. બપોરે 3.30 કલાકે શરૂ થનારી આ મેચમાં ગુજરાત ટાઇટન્સનો હાથ થોડો ઉપર હોય તેવું લાગી રહ્યું છે. આ ટીમ કોલકાતા નાઈટ રાઈડર્સ કરતા વધુ સંતુલિત લાગે છે.
ગુજરાતની ટીમ છેલ્લી સીઝનની વિજેતા છે. તે આ સીઝનમાં પણ ચેમ્પિયનની જેમ રમી રહી છે. ગુજરાતે આ સીઝનની તેની શરૂઆતની બંને મેચ ખૂબ જ સરળતાથી જીતી લીધી છે. ગુજરાતની ટીમ પોતાની બેટિંગમાં ઘણી ઉંડાણ ધરાવે છે. આ ટીમમાં ઝડપી બોલરો અને સ્પિન બોલરોનું પણ સારું સંતુલન છે. ઓલરાઉન્ડરો પણ સારી સંખ્યામાં છે. સૌથી મહત્વની વાત એ છે કે તમામ ખેલાડીઓ સારી લયમાં પણ જોવા મળી રહ્યા છે.
ગુજરાતની ટીમ પાસે રિદ્ધિમાન સહા, શુભમન ગિલ અને ડેવિડ મિલર જેવા બેટ્સમેન છે. જેમાં હાર્દિક પંડ્યા, રાહુલ તેવટિયા અને રાશિદ ખાન જેવા ઓલરાઉન્ડર છે. આ ટીમનું ઝડપી બોલિંગ આક્રમણ પણ ખતરનાક છે. મોહમ્મદ શમી અને અલઝારી જોસેફ જેવા બોલર છે. આ તમામ ખેલાડીઓ પોતાનું કામ સારી રીતે કરી રહ્યા છે.
કેકેઆરના ખેલાડીઓમાં નિયમિતતાનો અભાવ છે
કોલકાતાની ટીમ સ્પિન બોલિંગમાં ટોપ પર છે પરંતુ આ ટીમ ફાસ્ટ બોલિંગ અને બેટિંગમાં સંઘર્ષ કરતી જોવા મળી રહી છે. ટીમ પાસે ઉમેશ યાદવ અને ટિમ સાઉથી જેવા સારા ફાસ્ટ બોલર છે પરંતુ તેઓ હજુ પોતાનો રંગ દેખાડી શક્યા નથી. કેકેઆરના બેટ્સમેનોમાં નિયમિતતાનો અભાવ છે. ટોપ-7માંથી માત્ર એક કે બે બેટ્સમેન જ રમી રહ્યા છે. KKR આ સીઝનની તેમની પ્રથમ મેચ હારી ગઇ હતી પરંતુ બીજી મેચમાં મોટી જીત નોંધાવી હતી.
કોલકાતા નાઈટ રાઈડર્સ અને ગુજરાત ટાઈટન્સ વચ્ચે આઈપીએલમાં અત્યાર સુધી માત્ર એક જ મેચ રમાઈ છે. ગત સીઝનમાં આ મેચમાં ગુજરાતે કોલકાતાને 8 રનથી હરાવ્યું હતું
