તુર્કીમાં પાણીની નીચે મળ્યો3000 વર્ષ જૂનો મહેલ

જૂના ખંડેર મહેલો અને કિલ્લાઓ તો જોયા જ હશે, પરંતુ શું તમે ક્યારેય કોઈ મહેલ પાણીની નીચે હોવાના સમાચાર સાંભળ્યા કે વાંચ્યા છે? તુર્કીમાં પાણીની નીચે એક 3000 વર્ષ જૂનો મહેલ મળી આવ્યો છે. આ પ્રાચીન મહેલ હજુ પણ સારી સ્થિતિમાં છે અને તુર્કીના સૌથી મોટા સરોવર વેન તળાવની ઊંડાઈમાં જોવા મળે છે.
અહેવાલો અનુસાર, આ મહેલને વાન યુનિવર્સિટીની ટીમે ગોતાખોરોની મદદથી શોધી કાઢ્યો છે. આ મહેલમાં 3 થી 4 મીટર ઉંચી દિવાલો મળી આવી છે. આ ઉપરાંત પાણીનો સંગ્રહ કરવા માટેની ટાંકી અને પોર્સેલિનના કેટલાક ટુકડા પણ મળી આવ્યા છે. હાલમાં, મહેલની દિવાલો કેટલી પાણીમાં ગરકાવ થઈ છે તે જાણી શકાયું નથી.
લેક વેન એ વિશ્વનું સૌથી મોટું સોડિયમ વોટર લેક છે અને તે ઈરાનની બાજુમાં આવેલા એનાટોલીયન પ્રદેશના ઉચ્ચ પ્રદેશોમાં આવેલું છે. આવું જ એક જૂનું મંદિર પણ મળી આવ્યું છે જે ઉરાર્તુ કાળનું છે. સંશોધકોના મતે, તે લુપ્ત થયેલી ઉરાર્તુ સંસ્કૃતિના લોહ યુગના અવશેષો છે, જેને વેન કિંગડમ તરીકે પણ ઓળખવામાં આવે છે.