જુનિયર ક્લાર્કની પરીક્ષા આપવા ગયેલી યુવતીનો મળ્યો મૃતદેહ

રાજ્યભરમાં રવિવારે જુનિયર ક્લાર્કની પરીક્ષા શાંતિપૂર્ણ માહોલમાં સંપન્ન થઇ ગઇ હતી. ત્યારે સુરતમાં પુણા ગામની યુવતી જુનિયર ક્લાર્કની પરીક્ષા આપવા સુરત ગઇ હતી. રવિવારે સાંજે યુવતી ફાંસો ખાધેલી હાલતમાં મળી આવી હતી. ફાંસાની ઊંચાઈ અને લાશની સ્થતિ જોતા ઘટના શંકા ઉપજાવે તેવી છે. રવિવારે સાંજે બાવળના ઝાડ સાથે પોતાની ઓઢણી વડે ફાંસો ખાધેલી હાલતમાં યુવતી મળી આવી હતી. આ યુવતીનું નામ ઉર્વશી ચૌધરી છે જે માત્ર 20 વર્ષની છે. પોલીસે હાલ ગુનો નોંધીને વધુ તપાસ હાથ ધરી છે.
પુના ગામની 20 વર્ષની ઉર્વશી ચૌધરીનો શંકાસ્પદ હાલતમાં મૃતદેહ મળી આવ્યો છે. આ યુવતીનો મૃતદેહ બાવળના ઝાડ પર લટકેલો મળ્યો હતો. પરંતુ જે રીતે યુવતીનો મૃતદેહ લટકેલો હતો તે શંકા ઉપજાવે તેવું છે. બાવળની નીચી ડાળ પર જ યુવતીનો ઘુંટળિયે પડેલો મૃતદેહ મળ્યો છે. હાવ બારડોલી પોલીસે આ અંગે વધુ તપાસ હાથ ધરી છે.