ભારતમાં કોરોના કેસો હવે રોકેટ ગતિએ વધી રહ્યા છે. છેલ્લા 24 કલાકમાં કોરોનાના 7,830 નવા કેસ નોંધાયા છે. દેશમાં સક્રિય કેસની કુલ સંખ્યા 40,215 છે. છેલ્લા 24 કલાકમાં 4,692 લોકો કોરોનાથી સાજા થયા છે. આ તરફ કોરોનાથી સાજા થનારા લોકોની કુલ સંખ્યા 4,42,04,771 છે. સતત વધી રહેલા કોરોના વાયરસના કેસોની વચ્ચે રિકવરી રેટની વાત કરીએ તો, તે 98.72% છે.
મહારાષ્ટ્રમાં પણ કોરોનાના આંકડામાં મોટો ઉછાળો આવ્યો છે. મંગળવારે મહારાષ્ટ્રમાં 24 કલાકમાં 919 નવા કેસ મળી આવ્યા છે જ્યારે 1 દર્દીનું મોત થયું છે. સક્રિય કેસની કુલ સંખ્યા વધીને 4 હજાર 875 થઈ ગઈ છે. મંગળવારે મુંબઈમાં 24 કલાકમાં 242 નવા કેસ નોંધાયા છે. હાલમાં મુંબઈની હોસ્પિટલમાં કોરોનાના 110 દર્દીઓ દાખલ છે. સક્રિય કેસની કુલ સંખ્યા વધીને 1 હજાર 478 થઈ ગઈ છે. મુંબઈનો સકારાત્મકતા દર 13.48% છે.
દિલ્હીમાં પણ કોરોનાના કેસ ઝડપથી વધી રહ્યા છે. મંગળવારે દિલ્હીમાં 24 કલાકમાં 980 નવા કેસ નોંધાયા હતા અને બે દર્દીઓના મોત પણ નોંધાયા હતા. હાલમાં, અહીં સૌથી ચિંતાજનક બાબત એ છે કે અહીં ચેપ દર હજુ પણ 26 ટકાની આસપાસ છે. દિલ્હીમાં સક્રિય કોરોના કેસ વધીને 2,876 થઈ ગયા છે.
