યુક્રેનની સાથે યુદ્ધની અસરના પગલે પશ્ચિમી દેશોના આર્થિક પ્રતિબંધના કારણે રશિયા ભારતને સસ્તુ ક્રુડ વેચી રહ્યું છે. ભારત કુલ આયાતના 80 ટકાથી વધુ ક્રુડની આયાત કરે છે. રશિયા પાસેથી ક્રુડ સસ્તું મળતું હોવાના પગલે હાલ ભારત રશિયા સાથે વધુ ડિલ કરી રહ્યું છે. યુદ્ધ પહેલા ભારત ઈરાક પાસેથી મોટા પ્રમાણમાં ક્રુડ ખરીદતું હતું.
રશિયા ક્રુડ બજારમાં આવતા ઈરાકને મોટો ઝટકો લાગ્યો છે.ભારત વિશ્વનો ત્રીજો સૌથી મોટો ક્રુડની આયાત કરનારો દેશ છે. એવામાં ઈરાકે પણ ભારતને સસ્તી કિંમત ક્રુડ વેચવાનો નિર્ણય કર્યો છે. ભારત દ્વારા રશિયા પાસેથી કરાતી ક્રુડની આયાત માર્ચમાં વધીને 16.4 લાખ બેરલ પ્રતિ દિવસની નવી ઉંચાઈએ પહોંચી ગઈ છે. એવામાં રશિયા પાસેથી ભારત દ્વારા કરાતી ક્રુડની આયાત ઈરાકની સુરખામણીમાં બેગણી વધી ગઈ છે. રશિયા સતત છઠ્ઠા મહિને ભારતનું સૌથી મોટું ક્રુડ સપ્લાયર બન્યું છે. ભારતની ક્રુડ આયાતમાં રશિયાનો હિસ્સો એક-તૃતીયાંશથી વધુ છે.
