દિલ્હી પોલીસને એફઆઈઆરમાં ઉર્દૂ-ફારસી શબ્દો લખવાની મનાઈ

દિલ્હી પોલીસ હવે ફરિયાદમાં ચાર્જશીટમાં મુજરીમ, અહમ, શિનાખ્ત, અકબ, ઓહદા જેવા ભારેખમ ઉર્ફે શબ્દોને બદલે લોકોને સરળતાથી સમજાય તેવા હિન્દી અને અંગ્રેજી શબ્દોનો પ્રયોગ કરશે.દિલ્હી પોલીસ હાલમાં હિન્દી અને બોલચાલની ભાષાને મહત્વ આપી રહી છે.
દિલ્હી પોલીસ કમિશ્ર્નરે પોલીસને એફઆઈઆર કે ચાર્જશીટમાં અઘરા ઉર્દૂ અને ફારસી શબ્દોને બદલે સરળ હિન્દી કે અંગ્રેજી ભાષાના શબ્દોનો ઉપયોગ કરવાનું પરિપત્રમાં જણાવ્યું છે. કમિશ્ર્નર સંજય અરોડાએ આવા 383 ઉર્દૂ કે ફારસી શબ્દોની યાદી મોકલી છે. આવા શબ્દોમાં અહમ શબ્દોની જગ્યાએ સ્પેશિયલ કે વિશેષ શબ્દ વાપરવા કે મુજરિમ શબ્દની જગ્યાએ અપરાધી કે કલ્પ્રીટ શબ્દ વાપરવા સૂચના આપી છે.
ઉલ્લેખનીય છે કે પોલીસ એફઆઈઆર કે ચાર્જશીટ બનાવતી વખતે ઉર્દૂ અને ફારસી શબ્દોનો ઉપયોગ કરે છે તે મામલે 2018માં હાઈકોર્ટમાં જાહેર હિતની અરજી દાખલ થઈ હતી. જેના પર કોર્ટે 7 ઓગષ્ટ 2019ના આદેશ આપ્યો હતો કે એફઆઈઆર ફરિયાદીના શબ્દોમાં જ નોંધાવી જોઈએ.