માફિયા અતીક અહેમદ પણ ગુજરાતની સાબરમતી જેલમાંથી તેનું સમગ્ર નેટવર્ક ચલાવતો હતો. એસટીએફ અને પોલીસની તપાસમાં આને લગતા અનેક તથ્યો સામે આવ્યા છે. એવું પણ સામે આવ્યું છે કે અતીકે સાબરમતી જેલમાં બંધ કેટલાક સ્થાનિક ઉદ્યોગપતિઓ દ્વારા પોતાનું નેટવર્ક વિસ્તર્યું હતું અને ગુજરાતમાં પણ તેના કાળા નાણાનું રોકાણ કર્યુ હતું.
તપાસ એજન્સીઓ હવે તેની પણ તપાસ કરશે. અતીકે તેના પરિવારના કયા સભ્યો દ્વારા અથવા કયા નજીકના લોકો દ્વારા ત્યાં રોકાણ કર્યું હતું. એન્ફોર્સમેન્ટ ડિરેક્ટોરેટપણ અત્યાર સુધી સામે આવેલા તથ્યોના આધારે પ્રિવેન્શન ઓફ મની લોન્ડરિંગ એક્ટ હેઠળ અતીક અહેમદ વિરુદ્ધ નોંધાયેલા કેસમાં તેની તપાસ આગળ વધારી રહ્યું છે.
અતીક અહેમદ હવે આ દુનિયામાં નથી, પરંતુ તેમના પરિવાર અને નજીકના મિત્રોના નામે એકઠી કરાયેલી બેનામી સંપત્તિની યાદીની તપાસ કરવામાં આવી રહી છે. ઇડીએ ગયા અઠવાડિયે પ્રયાગરાજમાં 15 સ્થળોએ દરોડા પાડ્યા હતા, જેમાં અતિકના નજીકના બિલ્ડર વિનાયક સિટી મોલના માલિક સંજીવ અગ્રવાલ, અમિતદીપ મોટર્સના માલિક દીપક ભાર્ગવ અને ભૂતપૂર્વ ચેઇલ ધારાસભ્ય આસિફ જાફરીના ઘરનો સમાવેશ થાય છે.
અતીકના સંબંધી ખાલિદ ઝફર, તેના વકીલ અને સહાયક સુલતાન હનીફ ખાન (એક કેસમાં દોષિત) અને અન્ય સહયોગીઓ ઉપરાંત રૂ. 84.68 લાખ અને રૂ. 2.85 કરોડના દાગીના, 100થી વધુ બેનામી સંપત્તિના દસ્તાવેજો પણ જપ્ત કરવામાં આવ્યા હતા. EDને 50 શેલ કંપનીઓ અને 200 બેંક ખાતાઓની માહિતી પણ મળી છે. જેની સઘન તપાસ ચાલી રહી છે અને અતીકના ઘણા નજીકના સગાઓ તપાસ એજન્સીના સીધા નિશાના પર છે. તેની પૂછપરછ દરમિયાન અન્ય કેટલાક નામો પણ સામે આવ્યા છે. બેનામી મિલકતોની તપાસમાં વધારો થતાં અનેક બિલ્ડરોની સાથે કેટલાક વ્હાઇટ કોલરની મુશ્કેલીઓ પણ વધી શકે છે.
