હિંદુ ધર્મમાં પીપળના વૃક્ષને ખૂબ જ પૂજનીય માનવામાં આવે છે, સાથે જ તેને અન્ય તમામ વૃક્ષોમાં શ્રેષ્ઠ માનવામાં આવે છે. એવી માન્યતા છે કે પીપળના ઝાડ પર તમામ દેવી-દેવતાઓનો વાસ હોય છે. પીપળના વૃક્ષનું મહત્વ જ્યોતિષમાં પણ જણાવવામાં આવ્યું છે. આ જ કારણ છે કે પીપળનું ઝાડ ક્યારેય ન કાપવું જોઈએ. જો તમારા ઘરમાં પણ પીપળનું ઝાડ ઉગી ગયું હોય તો તમારે હવે ચિંતા કરવાની જરૂર નથી. કારણ કે આજે અમે તમને જણાવીશું કે કઈ રીતે તમે પીપળના ઝાડને કોઈપણ વાસ્તુ દોષ વગર ઘરમાંથી દૂર કરી શકો છો.
ઘરમાં પીપળનું ઝાડ ઉગી ગયું તો આ રીતે તેને દૂર કરવું –
વાસ્તવમાં હિંદુ ધર્મમાં પીપળના વૃક્ષને ખૂબ જ શુભ માનવામાં આવે છે. પરંતુ જ્યોતિષ શાસ્ત્ર અનુસાર તેને ઘરમાં ઉગાડવું અશુભ માનવામાં આવે છે. જો તમે જ્યોતિષમાં માનતા હોવ તો પણ જો તમારા ઘરમાં પીપળનું ઝાડ ઉગ્યું હોય તો તેને પહેલા થોડું વધવા દો. ત્યાર બાદ તેને માટીની સાથે ખોદીને ઘરથી દૂર કોઈ અન્ય જગ્યાએ લગાવો. આના કારણે વૃક્ષનો પણ બચાવ થશે, અને આવું કરવાથી તમારા ઘર પર કોઈ વાસ્તુ દોષ નહીં રહે.
ઘરમાં પીપળનું ઝાડ ઉગી ગયું છે તો કરો આ ઉપાય –
જ્યોતિષ શાસ્ત્ર અનુસાર ઘરમાં પીપળનું ઝાડ ન હોવું જોઈએ કારણ કે તેને શુભ માનવામાં આવતું નથી. જેના કારણે આર્થિક તંગીનો સામનો કરવો પડે છે. આ સાથે પરિવારના સભ્યોની પ્રગતિમાં અવરોધ આવે છે. પરંતુ જો તમારા ઘરમાં પીપળનું ઝાડ ઉગ્યું હોય તો પહેલા રવિવારે પીપળના વૃક્ષની પૂજા કરો અને પછી તેને કાપી લો. આમ કરવાથી વાસ્તુ દોષ નહીં રહે.
જો તમારા ઘરમાં પીપળનું ઝાડ વારંવાર ઉગતું હોય તો તમારે આ છોડની 45 દિવસ સુધી પૂજા કરવી જોઈએ અને તેને કાચું દૂધ ચઢાવવું જોઈએ. ત્યારપછી 45 દિવસ પછી આ છોડને મૂળની સાથે જ ઉપાડીને બીજી જગ્યાએ રોપી દેવું.
જો તમારા ઘરની પૂર્વ દિશામાં પીપળનું ઝાડ ઊગતું હોય તો તેનાથી ઘરમાં ભયનું વાતાવરણ રહે છે. આવી સ્થિતિમાં આ વૃક્ષની પૂજા-અર્ચના કર્યા બાદ તેને કાપી લો.
