આપણે જયારે પણ ઘર બનાવીએ છીએ ત્યારે ઘરના વાસ્તુને ઘણું મહત્ત્વ આપવામાં આવે છે. આપણા જીવનમાં વાસ્તુ શાસ્ત્રનું ઘણું મહત્ત્વ હોય છે, ત્યારે વાસ્તુ શાસ્ત્રમાં ઘણી એવી બાબતો જણાવવામાં આવી છે કે જેનું પાલન કરીને આપણે જીવનમાં સુખ-શાંતિ લાવી શકીએ છીએ. ત્યારે આવી જ એક બાબત છે ઘરમાં પક્ષીઓના ચિત્રો રાખવા. ઘરમાં પક્ષીઓના ચિત્રો રાખવાથી સકારાત્મક પરિણામ આવે છે. ઘણા લોકોને મહેનત અને લગનથી કામ કરવા છતાં પણ સફળતા નથી મળતી, તો આવા લોકોએ પોતાના ઘરમાં પક્ષીઓની તસવીર લગાવવી જોઈએ. વાસ્તુની દ્રષ્ટિએ પક્ષીઓને શુભ માનવામાં આવે છે. જ્યાં પક્ષીઓ હોય ત્યાં વાતાવરણ આપોઆપ આનંદમય બની જાય છે.
જો કે, તમે તમારા ઘરમાં વાસ્તવિક પક્ષીઓ પણ રાખી શકો છો, પરંતુ ઘરમાં પક્ષીઓની તસવીર અથવા મૂર્તિ રાખવાથી સકારાત્મક ઉર્જા પણ મળે છે અને નકારાત્મક ઉર્જાથી મુક્તિ મળે છે. આ સાથે જ તમારી સફળતાની શક્યતાઓ બનવા લાગે છે. પક્ષીઓના ફોટા લગાવવા માટે પૂર્વ દિશા પસંદ કરવી શ્રેષ્ઠ માનવામાં આવે છે.
ઘરમાં આ પક્ષીઓની તસવીર લગાવો –
લવ બર્ડ્સના ચિત્રો, ગીધના ચિત્રો, મોરના ચિત્રો, નીલકંઠના ચિત્રો, હંસના ચિત્રો, વાસ્તુ અનુસાર આ પક્ષીઓના ચિત્રો ઘરમાં રાખવા ખૂબ જ શુભ અને ભાગ્યશાળી માનવામાં આવે છે. જો તમે ઈચ્છો છો કે તમને દરેક કામમાં સફળતા મળે તો વાસ્તુ અનુસાર આ તસવીરો ઘરમાં ચોક્કસ લગાવો.
આ નસીબદાર પાલતુ પક્ષીને ઘરમાં રાખો –
વાસ્તુશાસ્ત્ર અનુસાર પોપટને ખૂબ જ ભાગ્યશાળી પક્ષી માનવામાં આવે છે. તેને ઘરમાં રાખવાથી પરિવારના સભ્યોમાં પ્રેમ આવે છે. આ સાથે તેમનું સ્વાસ્થ્ય પણ સારું રહે છે. વાસ્તુ અનુસાર પોપટને હંમેશા ઉત્તર દિશામાં રાખવો જોઈએ. આ સિવાય લવ બર્ડ્સને પણ ભાગ્યશાળી માનવામાં આવે છે. તમારે તેમને તમારા પાંજરાની ઉત્તર-પશ્ચિમ, ઉત્તર-પૂર્વ અથવા પૂર્વ દિશામાં મૂકવા જોઈએ.
