પશ્ચિમ મેક્સિકોમાં ગુરુવારે વહેલી સવારે હાઈવે નજીક એક પેસેન્જર બસ ખાડામાં ગરકાવ થઈ ગઈ. આ દુર્ઘટનામાં ઓછામાં ઓછા 17 લોકોના મોત થયા છે. આ દરમિયાન લગભગ 22 અન્ય લોકો ઘાયલ થયા હતા. જોકે તેમની હાલત સ્થિર હોવાનું કહેવાય છે.અધિકારીઓએ જણાવ્યું હતું કે રાજ્યની રાજધાની ટેપિકની બહારના હાઇવે પર બરાન્કા બ્લાન્કા નજીક બસ ક્રેશ થઈ હતી. બસમાં છ ભારતીય નાગરિકો સવાર હતા. ગયા મહિનાની શરૂઆતમાં, દક્ષિણના રાજ્ય ઓક્સાકામાં બસ અકસ્માતમાં 29 લોકોના મોત થયા હતા. ફેબ્રુઆરીમાં, મધ્ય મેક્સિકોમાં દક્ષિણ અને મધ્ય અમેરિકાના અપ્રવાસીઓને લઈ જતી બસ ક્રેશ થઈ હતી, જેમાં 17 લોકોના મોત થયા હતા.
