ઇઝરાયેલ અને હમાસ વચ્ચે યુદ્ધનો 22મો દિવસ છે. ઇઝરાયેલી ડિફેન્સ ફોર્સ અને વાયુસેનાએ ગાઝા પટ્ટી પર હુમલા વધાર્યા છે. ગાઝામાં શુક્રવાર રાત્રે બોમ્બમારો કરવામાં આવ્યો હતો. આ હુમલામાં વ્હાઇટ ફૉસ્ફોરસ બોમ્બના ઉપયોગની વાત કહેવામાં આવી રહી છે. હમાસનો દાવો છે કે ગાઝામાં મોબાઇલ અને ઇન્ટરનેટ સેવા ઠપ કરી દેવામાં આવી છે.
ઇઝરાયેલે ગાઝાના સ્થાનિક વિસ્તારોમાં ગોળીબાર પણ કર્યો હતો. હમાસ ઇઝરાયેલી સેનાને ગાઝામાં દાખલ થતા રોકવા માટે મહેનત કરી રહ્યું છે. ગાઝાના રહેણાક વિસ્તારોમાં ઇઝરાયેલના આ હુમલામાં લગભગ 100 લોકોના મોત થયા છે. ગાઝામાં ઇઝરાયેલી હુમલામાં સંચાર વ્યવસ્થા ઠપ થઇ જતા આંતરરાષ્ટ્રીય સંસ્થાઓએ ચેતવણી આપી છે. ઇઝરાયેલી સેનાના રિયલ એડમિરલ ડેનિયલ હગારીએ જણાવ્યુ કે છેલ્લા કેટલાક કલાકોમાં અમે ગાઝા પર હુમલા વધાર્યા છે. શુક્રવાર રાત્રે ગાઝામાં જમીની હુમલો વધારવામાં આવ્યો હતો. ઇઝરાયેલી વાયુસેના ગાઝાની સુરંગો અને અન્ય ઇન્ફ્રાસ્ટ્રક્ચર પર ભારે બોમ્બમારો કરી રહ્યું છે. ગાઝાના સ્થાનિક લોકોને દક્ષિણ ગાઝા તરફ જવા માટે કહેવામાં આવ્યું છે.
શું છે વ્હાઇટ ફૉસ્ફરસ બોમ્બ?
વ્હાઇટ ફૉસ્ફરસ બમ્બ સફેદ ફૉસ્ફરસ છે અને રબર સાથે તૈયાર કરવામાં આવે છે. ફૉસ્ફરસ મીણબત્તી જેવુ કેમિકલ છે જે સામાન્ય પીળુ અને રંગીન હોય છે, તેનાથી સડેલા લસણ જેવી ગંધ આવે છે. આ ઓક્સીજનના સંપર્કમાં આવતા જ આગ પકડી લે છે અને પછી આ પાણીથી પણ ઓલવી શકાતુ નથી. આ વાત તેને ખતરનાક બનાવે છે. ઓક્સીજન માટે રિએક્ટિવ થતા જ્યા પણ પડે છે તે તમામ જગ્યાનું ઓક્સીજન ઝડપથી ખેચી લે છે. એવામાં જે લોકો તેની આગથી નથી સળતા તે શ્વાસ રુંધાવાને કારણે મરી જાય છે. આ ત્યાર સુધી સળગતુ રહે છે જ્યાર સુધી પુરી રીતે તે ખતમ ના થઇ જાય.
