ખાલિસ્તાની આતંકી પન્નૂના સાથી મલખ સિંહની ધરપકડ

દિલ્હી પોલીસે ખાલિસ્તાની આતંકી ગુરપતવંત સિંહ પન્નૂના એક સાથી મલખ સિંહની ધરપકડ કરી છે. મલખ સિંહે પન્નૂના ઇશારા પર દિલ્હી, ગુરૂગ્રામ, હરિયાણા સહિત કેટલાક વિસ્તારમાં ખાલિસ્તાનના સમર્થનમાં નારા લખ્યા હતા. મલખ સિંહે પૂછપરછમાં માન્યુ કે તે પન્નૂના સંપર્કમાં હતો.
દિલ્હી પોલીસની સ્પેશ્યલ સેલે મલખ સિંહની હરિયાણાથી ધરપકડ કરી છે. તે પન્નૂના સતત સંપર્કમાં હતો, તેના કહેવા પર તેને દિલ્હી, ગુરૂગ્રામ સહિત કેટલીક જગ્યાએ ખાલિસ્તાની નારા લખ્યા હતા. 27 સપ્ટેમ્બરે નોર્થ દિલ્હીના ફ્લાઇ ઓવર પર ખાલિસ્તાનના સમર્થનમાં અને એન્ટી ઇન્ડિયિા સ્લોગન લખવામાં આવ્યા હતા. દિલ્હી પોલીસે આ ઘટનામાં ફરિયાદ પણ નોંધી હતી.