નોર્થ કોરિયાએ તેનો પહેલો Spy Satellite લોન્ચ કર્યો છે. ઉત્તર કોરિયાનું કહેવું છે કે તેણે છેલ્લા છ મહિનામાં તેના ત્રીજા પ્રયાસમાં આખરે તેનો પહેલો Spy Satellite ભ્રમણકક્ષામાં છોડ્યો છે. અમેરિકા સહિત ઘણા પશ્ચિમી દેશોએ આની સખત નિંદા કરી છે.
અલ જઝીરા અનુસાર, ઉત્તર કોરિયાની સરકારી એજન્સી કેસીએનએએ અહેવાલ આપ્યો,સોહે સેટેલાઇટ લોન્ચિંગ સ્ટેશનથી લોન્ચ કરવામાં આવ્યું હતું.તેને રિકોનિસન્સ સેટેલાઇટ Malligyong-1 સાથે લોન્ચ કરવામાં આવ્યું હતું.’ આ પ્રક્ષેપણની જાહેરાત પછી, દક્ષિણ કોરિયાએ બુધવારે ઉત્તર કોરિયા સાથે 2018માં થયેલા સૈન્ય કરારના એક ભાગને સ્થગિત કરી દીધો કારણ કે ઉત્તર કોરિયાએ યુએસ તરફથી મળેલી ચેતવણીને અવગણી હતી. દક્ષિણ કોરિયાનો આરોપ છે કે પ્યોંગયાંગને આ સેટેલાઇટ બનાવવામાં રશિયાનો સહયોગ હતો.
મંગળવારે, વ્હાઇટ હાઉસે એક નિવેદનમાં જણાવ્યું હતું કે, ‘યુનાઇટેડ સ્ટેટ્સ બેલિસ્ટિક મિસાઇલ ટેક્નોલોજીનો ઉપયોગ કરીને સ્પેસ લોંચ વ્હીકલના પ્રક્ષેપણની સખત નિંદા કરે છે, જે સંયુક્ત રાષ્ટ્ર સુરક્ષા પરિષદના બહુવિધ ઠરાવોનું સ્પષ્ટ ઉલ્લંઘન છે. પ્રદેશમાં અને તેની બહારની સુરક્ષાની સ્થિતિમાં તણાવ અને અસ્થિરતાનું જોખમ વધારી રહ્યું છે.
સીએનએનના અહેવાલ મુજબ, મે 2023માં ઉત્તર કોરિયા ઉપગ્રહને ભ્રમણકક્ષામાં લોન્ચ કરવાના પ્રથમ પ્રયાસમાં નિષ્ફળ ગયું હતું. અને ઓગસ્ટમાં બીજો પ્રયાસ પણ નિષ્ફળ ગયો. પરંતુ બીજી નિષ્ફળતા બાદ સંયુક્ત રાષ્ટ્ર સુરક્ષા પરિષદમાં ઉત્તર કોરિયાના રાજદૂત કિમ સોંગે પોતાના ભાષણમાં કહ્યું કે દેશનો જાસૂસી ઉપગ્રહ કાર્યક્રમ ‘સંપ્રભુ રાજ્યનો કાયદેસરનો અધિકાર છે.’
