5 રાજ્યો એટલે કે રાજસ્થાન, મધ્યપ્રદેશ, છત્તીસગઢ, તેલંગાણા અને મિઝોરમમાં મતદાન પૂર્ણ થઈ ગયું છે. પરિણામ 3 ડિસેમ્બરે જાહેર કરવામાં આવશે તે પહેલાં એક્ઝિટ પોલ આવી ગયા છે. આ હિસાબે પાંચમાંથી 2 રાજ્યોમાં ભાજપની સરકાર અને 2માં કોંગ્રેસની સરકાર બને તેમ લાગે છે. એકમાં પ્રાદેશિક પક્ષ સૌથી મોટો પક્ષ બનવા તરફ આગળ વધી રહ્યો હોય તેવું લાગી રહ્યું છે.
રાજસ્થાનઃ અત્યાર સુધી જે 4 એક્ઝિટ પોલ સામે આવ્યા છે તેમાંથી તમામ ભાજપ સરકારની રચના બતાવી રહ્યા છે. કોંગ્રેસ 60થી 90 બેઠકો સુધી સીમિત જણાય છે.
મધ્યપ્રદેશ: 6 એક્ઝિટ પોલમાંથી 4 ભાજપની સત્તામાં ફરીથી આવવાની અનુમાન કરી રહ્યા છે, જ્યારે 2 પોલ કોંગ્રેસની સરકાર બનાવવાની સંભાવના દર્શાવે છે.
છત્તીસગઢઃ 7 એક્ઝિટ પોલમાંથી 7 કોંગ્રેસની સરકાર બનવાની આગાહી કરી રહ્યા છે. ભાજપ કોંગ્રેસને જોરદાર ટક્કર આપે તેવું લાગી રહ્યું છે.
તેલંગાણા: 2 એક્ઝિટ પોલમાંથી એકમાં કોંગ્રેસ અને એકમાં ત્રિશંકુ વિધાનસભાની આગાહી કરવામાં આવી છે.
મિઝોરમઃ 2 એક્ઝિટ પોલ સામે આવ્યા છે. આમાંથી એકમાં ત્રિશંકુ વિધાનસભા સૂચવવામાં આવી છે. એકમાં, જોરમ પીપલ્સ મૂવમેન્ટ (ZPM) સરકાર રચાય તેમ લાગે છે.
