સરતાનપર ગામમાં બેટરીના અજવાળે જુગાર રમતા ચાર શખ્સ ઝડપાયા

તળાજા તાલુકાના સરતાનપર ગામમાં બેટરીના અજવાળે જુગાર રમતા ચાર શખ્સને તળાજા પોલીસે ઝડપી લીધા હતા જ્યારે પાંચ શખ્સ ફરાર થઈ ગયા હતા.
તળાજા પોલીસ સ્ટાફ ગત મોડી રાÂત્રના સમયે ગ્રામ્ય વિસ્તારમાં પેટ્રોલિંગમાં હતો તે દરમિયાન સરતાનપર ગામમાં આવેલ જાળ વિસ્તારમાં નિશાળની આગળના ભાગે આવેલ પાળા ઉપર બેટરીના અજવાળે જુગાર રમતા વિજય વિઠ્ઠલભાઈ મેર, મહેશ રાઘવભાઈ મકવાણા, ચેતન વિનુભાઈ ચુડાસમા અને ચેતન મનુભાઈ ભીલ ( રહે.તમામ સરતાનપર,તા.તળાજા ) ને રોકડા રૂ.૧૧,૭૦૦ સાથે ઝડપી લીધા હતા, જ્યારે દિપક ગટુરભાઈ બાંભણિયા, વિષ્ણુ ભીલ, વિપુલ મકવાણા, કરસનભાઈ ભીલ અને મુન્ના શાંતિભાઈ ચુડાસમા ( રહે.તમામ સરતાનપર ) પોલીસને જાઈને ફરાર થઈ જતા તળાજા પોલીસે તમામ વિરુદ્ધ જુગારધારાની કલમ ૧૨ હેઠળ ગુનો નોંધી ફરાર થઈ ગયેલા ઈસમોને ઝડપી લેવા તજવીજ હાથ ધરી છે.