હર ઘર અયોધ્યા, હર ઘર રામ : મોદી

દેશમાં આગામી દિવસોમાં રામ મંદિરનું ઉદઘાટન થવાનું છે. ઉત્તરપ્રદેશના અયોધ્યામાં આવતા વર્ષે 22 જાન્યુઆરીએ રામ મંદિરનું ઉદઘાટન કરવામાં આવશે અને રામલલા બાલ સ્વરૂપની પ્રતિમાનો અભિષેક કરવામાં આવશે. આ માટે વડાપ્રધાન નરેન્દ્ર મોદીને આમંત્રણ પણ મોકલવામાં આવ્યું છે. વડાપ્રધાન નરેન્દ્ર મોદી મંદિરના ઉદઘાટન અને અભિષેક કાર્યક્રમમાં પણ ભાગ લેશે. એક ઈન્ટરવ્યૂમાં પીએમ મોદીએ રામ મંદિરના ઉદઘાટન માટે મળેલા આમંત્રણનો જવાબ આપ્યો હતો. પીએમ મોદીએ એક ઈન્ટરવ્યૂમાં કહ્યું છે કે, મારા માટે 22 જાન્યુઆરી, 2024 એ ‘હર ઘર અયોધ્યા, હર ઘર રામ’ આવવાના છે. વડાપ્રધાને કહ્યું કે ગોસ્વામી તુલસીદાસે રામચરિત માનસમાં લખ્યું છે – ‘સફલ સકલ સુભ સાચન સાજૂ, રામ તમ્હહિ અવલોકત આજૂ’, મતલબ કે શ્રી રામના દર્શન કરવાથી જીવન સફળ થાય છે. મારું સૌભાગ્ય છે કે મને આ પવિત્ર કાર્ય કરવા આમંત્રણ મળ્યું છે. હજારો વર્ષોથી શ્રી રામે લોકોના જીવનમાં સકારાત્મકતા ફેલાવી છે.
પીએમે કહ્યું કે જો તમે થોડીવાર માટે વિચારશો કે આ પવિત્ર અવસર પર પ્રધાન સેવક બનવાને બદલે હું એક સામાન્ય નાગરિક છું, જે એક ગામડામાં બેઠો છે, તો મારા મનમાં એટલો જ આનંદ અને સંતોષ થશે જેટલો પ્રધાનસેવક તરીકે જવાનો મોકો મળ્યો છે. આ ખુશી માત્ર મોદીની નથી. આ ભારતના 140 કરોડ હૃદયની ખુશી અને સંતોષનો અવસર છે.