પૈસાદાર બનવા કલર પ્રિન્ટર વડે બનાવટી ચલણી નોટ બનાવતો હતો

રાજ્યમાં નકલી ઘી, નકલી તેલ, નકલી અધિકારી, નકલી કચેરી બાદ હવે નકલી નોટનો કારોબાર સામે આવ્યો છે. નવસારીના ચીખલીમાંથી એસઓજીની ટીમે નકલી નોટ છાપતા એક આરોપીની ધરપકડ કરી છે.
મળતી માહિતી પ્રમાણે નવસારી જિલ્લાના ચીખલી તાલુકાના તળાવચોરા ગામે રહેતો તેજસ ચૌહાણના આરોપી પૈસાદાર બનવા માટે પોતાના મકાનમાં કલર પ્રિન્ટર વડે જુદાજુદા દરની બનાવટી ચલણી નોટ બનાવતો હતો. આ અંગેની બાતમી સ્પેશિયલ ઓપરેશન ગ્રુપને મળી હતી. જે બાતમીના આધારે એસઓજીની ટીમે બજારમાં બનાવટી ચલણી નોટ વટાવે તે પહેલા જ આરોપીને ઝડપી પાડ્યો હતો. જેની પાસેથી 200ના દરની 62 અને 100ના દર ની 6 નકલી ચલણી નોટ મળી આવી હતી.