દેશમાં ફાઈવ-જી મોબાઈલ નેટવર્ક બહુ ઝડપથી રોલ આઉટ થવા લાગ્યુ છે. હવે સસ્તા ફાઈવ-જી ફોન પણ ટુંક સમયમાં લોંચ થશે તે સમયે એરટેલ-જીઓ સહીતની કંપનીઓ ફાઈવ-જી મોબાઈલ સેવા પણ મોંઘી બનાવે તે દિવસો દુર નથી.
ટુ-જી અને થ્રી-જી લગભગ વિદાયની તૈયારીમાં છે અને હવે ફાઈબર તથા પાવરલેસ નેટવર્ક બન્નેમાં ફાઈવ-જી અપગ્રેડેશન આવી રહ્યું છે. વોડાફોન જે હજુ ફાઈવ-જી રેસમાં જોડાઈ જ નથી. તેને પણ જો સ્ટારલીંક કંપની ખરીદી લે તો ફાઈવ-જી સહિતની બ્રોડબેન્ડ સેવામાં પણ જબરી સ્પર્ધા થશે પણ છતાં હજુ ભારતમાં ઈન્ટરનેટ-ડેટા વિશ્ર્વમાં સૌથી સસ્તા હોવાનો દાવો છે પણ હવે તબકકાવાર રીલાયન્સ જીયો તથા એરટેલ બન્ને કંપનીઓ ફોરજી કરતા ફાઈવ-જી 5-10% મોટુ બનાવશે.
પણ જોકે હજુ તે માટે વર્ષના બીજા ભાગ એટલે કે છેક સપ્ટેમ્બર સુધી રાહ જોવાશે.ભારતમાં મોબાઈલ ધારકોની સંખ્યા હવે એક એવા તબકકે પહોંચી ગઈ છે કે તેમાં કોઈ મોટો વધારો થવાની શકયતા ધીમી છે અને હવે કંપનીએ એકબીજાના ગ્રાહકો છીનવીને પોતાને યુઝર્સ બેઝ વધારવાનાં પ્રયાસમાં છે.
