ફરી એકવાર મુખ્યમંત્રી અરવિંદ કેજરીવાલને દિલ્હી દારૂ કૌભાંડ સંબંધિત કેસમાં ED સમક્ષ હાજર થવા માટે બોલાવવામાં આવ્યા છે. તપાસ એજન્સીએ પાંચમી વખત સમન્સ મોકલીને દારૂ કૌભાંડમાં પૂછપરછ માટે બોલાવ્યા છે. ખાસ વાત એ છે કે ED દ્વારા આપવામાં આવેલા ચાર સમન્સ પર કેજરીવાલ કોઈને કોઈ કારણ દર્શાવીને પહોંચ્યા નથી અને આ વખતે પણ તેમના જવા પર શંકા છે. જો કે એક્સાઇઝ કૌભાંડમાં EDએ કેજરીવાલને હાજર થવા સમન્સ પાઠવ્યું છે. 3 મહિનામાં કેજરીવાલને EDનું આ પાંચમું સમન્સ છે. જો કે કેજરીવાલ આજની પૂછપરછમાં હાજરી આપશે કે નહીં તે હજુ સ્પષ્ટ થયું નથી.
અરવિંદ કેજરીવાલે ગયા વર્ષે 2 નવેમ્બર, 21 ડિસેમ્બર અને આ વર્ષે 3 જાન્યુઆરી અને 18 જાન્યુઆરીએ ED સમક્ષ હાજર થવા માટે જારી કરાયેલા સમન્સને મુલતવી રાખ્યું છે. AAPએ કહ્યું છે કે તેની કાનૂની ટીમ એક્સાઇઝ પોલિસી સંબંધિત મની લોન્ડરિંગ કેસના સંબંધમાં કેજરીવાલને જારી કરાયેલા સમન્સનો અભ્યાસ કરી રહી છે. કેજરીવાલ, પંજાબના મુખ્ય પ્રધાન ભગવંત માન સાથે, ચંદીગઢ મેયરની ચૂંટણીમાં કથિત ધાંધલધમાલ સામે શુક્રવારે ભાજપના મુખ્યાલયની બહાર વિરોધ પ્રદર્શનમાં ભાગ લેવાના છે.
