યોગી આદિત્યનાથે ગવર્નમેન્ટ ઇન્ટર કોલેજન મીટિંગ રૂમમાં વરિષ્ઠ અધિકારીઓ સાથે બેઠક કરીને આગામી મહિનામાં આવતા શ્રી રામ નવમી અને નવરાત્રીના તહેવારોની તૈયારીઓની સમીક્ષા કરી હતી. આ બેઠકમાં મુખ્યમંત્રીએ જણાવ્યું હતું કે નવરાત્રી/રામનવમીના તહેવાર પર શ્રી રામ જન્મભૂમિ તીર્થ ક્ષેત્રના સભ્યો સાથે સંકલન કરીને શ્રી રામ લલ્લા વિરાજમાન મંદિર ને અષ્ટમી, નવમી અને દશમી સુધી 24 કલાક ખુલ્લું રાખવાની વ્યવસ્થા કરવામાં આવે. સાથે જ સ્વચ્છતા, લોકો માટે પીવાના પાણીની વ્યવસ્થા અને ગરમીને ધ્યાનમાં રાખીને વાહનવ્યવહાર નિગમ અને શહેરી વિકાસ વિભાગના સંકલનમાં શ્રદ્ધાળુઓ માટે ઈલેક્ટ્રોનિક બસોની વ્યવસ્થા કરવાં સુચનો આપ્યા હતા.
મુખ્યમંત્રીએ અધિકારીઓને એવી વ્યવસ્થા કરવા નિર્દેશ આપ્યો કે શ્રદ્ધાળુઓને 2.5 કિમીથી વધુ ચાલવું ન પડે. તુલસીના બગીચા વગેરે સ્થળોએ ચપ્પલ રાખવાની પણ વ્યવસ્થા કરવી. રામનવમીના તહેવાર સમયે ચૂંટણીની કામગીરી પણ શરૂ થઈ ગઈ હશે, તેથી રામનવમી પર જ સામાન્ય રીતે, પોલીસકર્મીઓ અને અન્ય સેવાઓ સાથે સંકળાયેલા લોકોને રામલલા મંદિર, હનુમાનગઢી વગેરે સ્થળોએ કાયમી ફરજ પર મૂકવા મા આવશે. ડીએમ નીતિશ કુમારે રામનવમી કાર્યક્રમની વહીવટી તૈયારીઓ વિશે માહિતી આપી હતી.
સીએમ યોગી આદિત્યનાથે ગવર્નમેન્ટ ઈન્ટર કોલેજ ગ્રાઉન્ડમાં આયોજિત જનસભામાં ચૂંટણી પ્રચારની શરૂઆત કરતા કહ્યું કે અયોધ્યાને વિશ્ર્વના સૌથી સુંદર શહેર તરીકે વિકસાવવાનું સપનું હવે તે સાકાર થઈ રહ્યું છે. પહેલાથી જ ડ્યુઅલ એન્જિન સરકાર 30 હજાર કરોડ રૂપિયાની યોજનાઓ સાથે અયોધ્યાનો વિકાસ કરી રહી છે. હવે હું રૂ. 1,100 કરોડની વધુ યોજનાઓ લઈને આવ્યો છું. સોલાર સિટી પ્રોજેક્ટ આમાં અગ્રણી છે. આ અંતર્ગત 40 મેગાવોટના સોલાર પ્લાન્ટનું ઉદ્ઘાટન કરવામાં આવી રહ્યું છે અને 40 મેગાવોટના પાવર પ્લાન્ટનો શિલાન્યાસ કરવામાં આવ્યો છે. આ સાથે જ સૂર્યવંશી પ્રભુ રામનું શહેર દેશનું પ્રથમ સોલર સિટી બની ગયું છે. લોકોના ઘરોમાં સોલાર પેનલ લગાવવામાં આવી રહી છે. રસ્તાઓ સૌર ઉર્જાથી ઝળહળી ઉઠશે.
