દિલ્હીના સીએમ અરવિંદ કેજરીવાલની 21 માર્ચની સાંજે ED દ્વારા દારૂ નીતિ કેસમાં સીએમ આવાસથી ધરપકડ કરવામાં આવી હતી. ઇડીની ટીમ તેમને 10મું સમન્સ પાઠવવા આવી હતી. ધરપકડ બાદ કેજરીવાલને ED ઓફિસ લઈ જવામાં આવ્યા હતા. આરએમએલ હોસ્પિટલથી પહોંચેલી ડોકટરોની ટીમે તેની સારવાર કરી હતી. કેજરીવાલે ED લોકઅપમાં રાત વિતાવી.
EDની ટીમે કેજરીવાલની ફરી પૂછપરછ શરૂ કરી છે. ED સાક્ષીઓના નિવેદનના આધારે તેમની પૂછપરછ કરી રહી છે. આ માટે યાદી બનાવવામાં આવી છે. અહેવાલો અનુસાર, તેઓ તપાસમાં સહકાર આપી રહ્યા નથી.
કેજરીવાલને આજે બપોરે 2.30 કલાકે PMLA કોર્ટમાં પણ હાજર કરવામાં આવશે. ED કેજરીવાલના રિમાન્ડ મેળવવાનો પ્રયાસ કરશે. દિલ્હીના મંત્રી આતિશીએ કહ્યું કે કેજરીવાલ દિલ્હીના સીએમ જ રહેશે. તેઓ જેલમાંથી સરકાર ચલાવશે. આ સિવાય સુપ્રીમ કોર્ટમાં કેજરીવાલની ધરપકડ વિરુદ્ધ સુનાવણી થશે. જસ્ટિસ સંજીવ ખન્ના, જસ્ટિસ બેલા એમ ત્રિવેદી અને જસ્ટિસ એમએમ સુંદરેશની ખંડપીઠે આ અંગે સુનાવણી કરશે. આ કેસમાં પહેલાથી જ EDની કસ્ટડીમાં રહેલા BRS નેતા કે.કવિતાની જામીન અરજી પર શુક્રવારે સુપ્રીમ કોર્ટમાં સુનાવણી થઈ હતી. કોર્ટે તેને જામીન આપવાનો ઈન્કાર કર્યો હતો.
