ભારતીય ચૂંટણી પંચ ચૂંટણીમાં મતદારોને જાગૃત કરવા માટે સતત ઝુંબેશ ચલાવી રહ્યું છે. લોકસભા ચૂંટણી 2024 માટે પ્રથમ તબક્કાનું મતદાન 19 એપ્રિલે થવાનું છે તેથી મતદારોને જાગૃત કરવા તેમણે અનોખી પહેલ કરી છે. ચેન્નાઈમાં સ્કુબા ડાઈવર્સે દરિયામાં 60 ફૂટની ઊંડાઈમાં જઈને પાણીમાં મતદાન પ્રક્રિયા હાથ ધરી હતી. ‘હું ભારત છું, ભારત મારામાં છે’ વિડિયોમાં જાગૃતિ ગીત પણ વાગે છે. આ વીડિયોને સોશિયલ મીડિયા પર ખૂબ પસંદ કરવામાં આવી રહ્યો છે.
