IIT ગુવાહાટીનો એક વિદ્યાર્થી તેની હોસ્ટેલમાં મૃત હાલતમાં મળી આવ્યો છે. પોલીસે આત્મહત્યાની આશંકા વ્યક્ત કરી છે. પરિવારે રેગિંગ બાદ હત્યાનો આરોપ લગાવ્યો છે. મૃતક બિહારના સમસ્તીપુર જિલ્લાના મોહનપુર ગામનો રહેવાસી હતો. 20 વર્ષીય સૌરભ બી.ટેક કોમ્પ્યુટર સાયન્સના પ્રથમ વર્ષનો વિદ્યાર્થી હતો.
આ ઘટના બુધવારે સાંજે સાડા પાંચ વાગ્યાની આસપાસ બની હતી. મૃતકનો રૂમમેટ ક્લાસ માટે ગયો હતો. તે સમયે જ વિદ્યાર્થીએ આ પગલું ભર્યું હતું. આ પછી તેના રૂમમેટ અને સિક્યુરિટી ગાર્ડને તેની જાણ થઈ. મૃતદેહને પોસ્ટમોર્ટમ માટે મોકલી આપવામાં આવ્યો છે. આત્મહત્યાની સંભાવના છે.
મૃતકના પિતાએ તેને હત્યા ગણાવીને સંસ્થા સામે બેદરકારી બદલ ફરિયાદ નોંધાવી છે. તેમણે કહ્યું- આ સ્પષ્ટ રીતે હત્યા છે, પરંતુ IIT પ્રશાસન તેને આત્મહત્યામાં બદલવાનો પ્રયાસ કરી રહ્યું છે. સંસ્થામાં પુત્ર સાથે અનેકવાર રેગિંગ થયું હતું. તેણે આ અંગે ફરિયાદ પણ કરી હતી, પરંતુ સંસ્થાએ તેના પર કોઈ ધ્યાન આપ્યું ન હતું. સંસ્થાએ આરોપોનો જવાબ આપ્યો નથી. જો કે, તેણે વિદ્યાર્થીના મૃત્યુ પર દુઃખ વ્યક્ત કર્યું છે અને પરિવારને શક્ય તમામ મદદ કરવાની ખાતરી આપી છે.
