બીજા તબક્કા માટે આજે પ્રચાર પડઘમ થશે શાંત

લોકસભા ચૂંટણી 2024ના બીજા તબક્કાના મતદાનનું કાઉન્ટડાઉન શરૂ થઇ ગયું છે. આજે સાંજે બીજા તબક્કા માટે ચૂંટણી પ્રચાર શાંત થશે. તે બાદ 26 એપ્રિલે 13 રાજ્યની 88 લોકસભા બેઠકો પર મતદાન થશે. આ બેઠકોનું પરિણામ એક સાથે 4 જૂને જાહેર કરવામાં આવશે. મતદાન શાંતિપૂર્ણ અને નિષ્પક્ષ રીતે થઇ શકે તેના માટે ચૂંટણી પંચે પુરી તૈયારી કરી લીધી છે.
બીજી તરફ ત્રીજા તબક્કાના મતદાન માટે નામ પરત ખેચવાની તારીખ સ્પષ્ટ થયા બાદ કુલ ઉમેદવારોની તસવીર પણ સ્પષ્ટ થઇ ગઇ છે. ત્રીજા તબક્કામાં 7 મેએ 12 રાજ્ય/ કેન્દ્રશાસિત પ્રદેશોની 95 બેઠક પર મતદાન થશે.
ત્રીજા તબક્કામાં આ 95 બેઠકો માટે કુલ 1351 ઉમેદવાર ચૂંટણી મેદાનમાં છે. ચૂંટણી પંચ અનુસાર, ત્રીજા તબક્કાના મતદાન માટે કુલ 2963 નોમિનેશન ફોર્મ ભરવામાં આવ્યા હતા, તેની તપાસ બાદ માત્ર 1563 ફોર્મ જ યોગ્ય હતા જેમાંથી 212 ઉમેદવારોએ પોતાનું નામ પરત ખેચી લીધુ હતું.