કર્ણાટક સેક્સ સ્કેન્ડલ : બીજેપી નેતા દેવરાજ ગૌડાની ચિત્રદુર્ગમાંથી ધરપકડ

બીજેપી નેતા અને એડવોકેટ જી દેવરાજ ગૌડાની શુક્રવારે (10 મે) રાત્રે હસન સાંસદ પ્રજ્વલ રેવન્ના સાથેના અશ્લીલ વીડિયોના સંબંધમાં ધરપકડ કરવામાં આવી હતી. પોલીસના જણાવ્યા અનુસાર, દેવરાજ ગૌડાને ચિત્રદુર્ગ જિલ્લાની હિરીયુર પોલીસે ગુલિહાલ ટોલ ગેટ પર પેન ડ્રાઈવમાં વીડિયો લીક કરવા બદલ ધરપકડ કરી છે.
હસન પોલીસને દેવરાજની ધરપકડ કરવા માટે એક બાતમીદાર પાસેથી માહિતી મળી હતી. આ પછી ચિત્રદુર્ગ પોલીસે ઇનપુટના આધારે શોધ શરૂ કરી. જે બાદ તે ગુલિહાલ ટોલ પર પકડાયો હતો. હસન પોલીસ આ કેસમાં પ્રજ્વલનું નિવેદન નોંધવા માંગે છે. દેવરાજે જ ભાજપ નેતૃત્વને રેવન્નાના અનેક મહિલાઓના જાતીય શોષણ વિશે ચેતવણી આપી હતી અને હસનમાંથી JDS સાંસદને લોકસભાની ટિકિટ આપવા સામે ચેતવણી આપી હતી.
ગૌડા વિરુદ્ધ એપ્રિલમાં એક મહિલાએ ફરિયાદ નોંધાવી હતી. આરોપ છે કે ગૌડાએ તેની મિલકત વેચવામાં મદદ કરવાના બહાને લગભગ દસ મહિના સુધી તેનું શોષણ કર્યું. મહિલાના પતિએ પણ ગૌડા વિરુદ્ધ ફરિયાદ નોંધાવી હતી કે દેવરાજ તેમના ઘરમાં ઘુસી ગયો હતો, તેને ધમકી આપી હતી અને તેની સાથે ગેરવર્તન કર્યું હતું. FIR મુજબ ગૌડા છેલ્લા 10 મહિનાથી મહિલાને હેરાન કરી રહ્યો હતો. તે મહિલાને એકાંત સ્થળે લઈ ગયો હતો, જ્યાં તેણે તેની છેડતી કરી હતી અને મહિલા અને તેના પતિને મારી નાખવાની ધમકી આપી હતી.