પાંચમા તબક્કાના પ્રચાર પડઘમ આજે સાંજથી શાંત થઈ જશે

લોકસભા ચૂંટણીના પાંચમા તબક્કાના પ્રચાર પ્રસાર આજે સાંજે 6 વાગ્યાથી શાંત થઈ જશે. પાંચમા તબક્કામાં સોમવારે (20 મે) 14 લોકસભા બેઠક અને એક વિધાનસભા બેઠક પર પેટાચૂંટણી માટે મતદાન થશે. પાંચમા તબક્કાની લોકસભા ચૂંટણી માટે 144 ઉમેદવારો મેદાનમાં છે અને લખનઉ પૂર્વ વિધાનસભા પેટાચૂંટણી માટે ચાર ઉમેદવારો મેદાનમાં છે.
પાંચમો તબક્કો મહત્વપૂર્ણ છે કારણ કે તેમાં કોંગ્રેસની રાયબરેલી અને અમેઠી બેઠકો માટે ચૂંટણી છે. આ વખતે કોંગ્રેસના પૂર્વ અધ્યક્ષ રાહુલ ગાંધી રાયબરેલી બેઠક પરથી અને સ્મૃતિ ઈરાની અમેઠીથી ચૂંટણી લડી રહ્યા છે. પાંચમા તબક્કામાં મોહનલાલગંજ, લખનઉ, રાયબરેલી, અમેઠી, જાલૌન, ઝાંસી, હમીરપુર, બાંદા, ફતેહપુર, કૌશામ્બી, બારાબંકી, ફૈઝાબાદ, કૈસરગંજ, ગોંડાની બેઠકો પર મતદાન થશે. આ બેઠકો લખનૌ, સીતાપુર, રાયબરેલી, અમેઠી, સુલતાનપુર, જાલૌન, ઝાંસી, કાનપુર દેહાત, લલિતપુર, હમીરપુર, મહોબા, બાંદા, ચિત્રકૂટ, ફતેહપુર, કૌશામ્બી, પ્રતાપગઢ, બારાબંકી, અયોધ્યા, ગોંડા, બહરાઈચ અને બાલરામપુર જિલ્લાઓમાં આવે છે.