રોયલ ચેલેન્જર્સ બેંગ્લોરના સ્ટાર બેટ્સમેન વિરાટ કોહલી અને પંજાબ કિંગ્સના ફાસ્ટ બોલર હર્ષલ પટેલ છવાયેલા રહ્યા. કોહલીએ આખી સીઝનમાં શાનદાર પ્રદર્શન કર્યું અને સૌથી વધારે રન બનાવીને ઓરેન્જ કેપ જીતી. IPLની 17મીં સીઝનની ફાઈનલ મેચ 26 મેએ ચેન્નાઈના એમએ ચિદંબરમ સ્ટેડિયમમાં રમાઈ. ફાઈનલ મેચમાં કોલકાતા નાઈટ રાઈડર્સે સનરાઈઝર્સ હૈદરાબાદને 8 વિકેટથી હરાવી. જ્યાં કોલકાતા નાઈટ રાઈડર્સ ત્રીજી વખત આઈપીએલ ચેમ્પિયન બની છે. ત્યાં જ સનરાઈઝર્સ હૈદરાબાદનું બીજી વખત આઈપીએલ ટ્રોફી જીતવાનું સપનું તૂટી ગયું.
આ આઈપીએલ સીઝનમાં રોયલ ચેલેન્જર્સ બેંગ્લોરના સ્ટાર બેટ્સમેન વિરાટ કોહલી અને પંજાબ કિંગ્સના ફાસ્ટ બોલર હર્ષલ પટેલ છવાઈ ગયા. કોહલીએ આખી સીઝનમાં શાનદાર પ્રદર્શન કર્યું અને સૌથી વધારે રન બનાવીને ઓરેન્જ કેપ જીતી.
35 વર્ષના વિરાટ કોહલીએ આઈપીએલ 2024માં કુલ 15 મેચોમાં 61.75ની સરેરાશ અને 154.69ની સ્ટ્રાઈક રેટથી 741 રન બનાવ્યા. આ સમય દરમિયાન કિંગ કોહલીએ 1 સેન્ચુરી અને પાંચ હાફસેન્ચુરી મારી. વિરાટે બીજી વખત ઓરેન્જ કેપ હાસિલ કરી. કોહલી એવા પહેલા ભારતીય ખેલાડી બની ગયા છે જેમણે આઈપીએલમાં બે વખત ઓરેન્જ કેપ જીતી છે. તેના પહેલા કોહલીએ 2016ની સીઝનમાં 973 રન બનાવીને ઓરેન્જ કેપ પોતાના નામે કરી હતી.
