પંડિત ધીરેન્દ્ર શાસ્ત્રીનો ભાઈ ફરી એકવાર વિવાદમાં

બાગેશ્વર ધામના પંડિત ધીરેન્દ્ર શાસ્ત્રીના ભાઈ શાલિગ્રામ ગર્ગની પરેશાનીઓ ઓછી થવાના સંકેત દેખાઈ રહ્યા નથી. શાલિગ્રામ પર ફરી એકવાર મારપીટનો આરોપ લાગ્યો છે. મારપીટનો આરોપ લાગ્યા બાદ તેની સામે એફઆઈઆર નોંધવામાં આવી છે. પંડિત બાગેશ્વર ધામના સેવક જીતુ તિવારીએ મારપીટનો કેસ દાખલ કર્યો છે. ફરિયાદ બાદ બમિથા પોલીસ સ્ટેશનમાં ત્રણ લોકો સામે ગુનો નોંધવામાં આવ્યો છે. પંડિત ધીરેન્દ્ર શાસ્ત્રીના ભાઈ સામે નોકર જીતુ તિવારીના ઘરમાં ઘૂસીને મહિલાઓ પર હુમલો કરવાનો કેસ નોંધવામાં આવ્યો છે.
મારામારીનો એક વીડિયો પણ સામે આવ્યો છે, જેમાં કેટલાક લોકો હાથમાં લાકડી લઈને ધમકી આપતા જોવા મળી રહ્યા છે. ગુંડાગીરીનો વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. પીડિત સેવકે જીતુ તિવારીએ પણ એક વીડિયો પણ જાહેર કર્યો છે, જેમાં તેણે પંડિત ધીરેન્દ્ર શાસ્ત્રીના ભાઈ શાલિગ્રામ પર હુમલાનો આરોપ લગાવ્યો છે. પીડિતાનું કહેવું છે કે પહેલા તે તેમની સાથે રહેતો હતો. શાલિગ્રામ ઘણા ખોટા કાર્યોમાં સામેલ હતો, જેના કારણે તેણે તેનો સાથ છોડી દીધો હતો. આ બાબતે તેને અને તેના પરિવારને માર મારવામાં આવ્યો હતો.
પોલીસને આપવામાં આવેલા રિપોર્ટમાં શાલિગ્રામ પર તેના સાથીદારો સાથે તેના નોકર જીતુ તિવારીના ઘરમાં ઘૂસીને ઘરની મહિલાઓ પર લાકડીઓથી હુમલો કરવાનો આરોપ લગાવવામાં આવ્યો છે. જેમાં ઘરની સગીર યુવતીનો હાથ ભાંગી ગયો હતો, જ્યારે મહિલાઓને માથામાં ગંભીર ઈજાઓ થઈ હતી. ઘરના વડીલો સાથે પણ મારપીટ કરવામાં આવી હતી. ધીરેન્દ્ર શાસ્ત્રીના ભાઈ પર આ પહેલા પણ ઘણી વખત ગંભીર આરોપો લગાવવામાં આવ્યા છે. આ સિવાય શાલિગ્રામ પર ઘણા કેસ નોંધાયેલા છે.