નરેન્દ્ર મોદી 9 જૂન 2024ના રોજ સાંજે 7.15 કલાકે સતત ત્રીજી વખત વડાપ્રધાન તરીકે શપથ લેશે. મોદીની સાથે NDAના 14 સહયોગીઓના 18 સાંસદો પણ મંત્રી તરીકે શપથ લઈ શકે છે. જેમાંથી 7 કેબિનેટ મંત્રી તરીકે અને બાકીના 11 સ્વતંત્ર હવાલો અને રાજ્ય મંત્રી તરીકે શપથ લઈ શકે છે. જો કે તેની સત્તાવાર માહિતી આપવામાં આવી નથી.
માનવામાં આવે છે કે 3 ડઝનથી વધુ સાંસદો મંત્રી તરીકે શપથ લઈ શકે છે. TDP અને JDUમાંથી 2-2 અને શિવસેનામાંથી એક કેબિનેટ મંત્રી બની શકે છે. સૂત્રોનું કહેવું છે કે આ સિવાય એનસીપી, એલજેપી અને જેડીએસના ક્વોટાના કેબિનેટ મંત્રીઓ શપથ લઈ શકે છે. TDPના એક સાંસદે કહ્યું કે કઇ પાર્ટીમાંથી કેટલા મંત્રીઓ બનાવવામાં આવશે તેની ફોર્મ્યુલા નક્કી થઈ ચૂકી છે. આ અંગે કોઈપણ પ્રકારની જાહેર ચર્ચાની જરૂર નથી. બધા સહમત છે કે પીએમ તેમને જે પણ જવાબદારી આપશે, તેઓ તેને નિભાવશે.
જેડીયુ સાંસદ લવલી આનંદે રેલવે મંત્રાલયના સવાલ પર કહ્યું, ચોક્કસપણે (જેડીયુ)ને મળવું જોઈએ. અગાઉ પણ આવું જ હતું. જેડીયુના સાંસદોએ પણ બિહારને વિશેષ રાજ્યનો દરજ્જો આપવાની વાત ફરીથી કરી છે.
