દિલ્હી એરપોર્ટને બોમ્બનો ઇમેઇલ મોકલનાર 13 વર્ષના બાળકની અટકાયત

રવિવારે દિલ્હી એરપોર્ટને એક ઇમેઇલ કરાયો હતો જેમાં લખાયું હતું કે દુબઇ જતી ફ્લાઇટમાં બોમ્બ મુકવામાં આવ્યો છે. પોલીસે આ ઇમેઇલના આધારે ચકાસણી કરી હતી. પોલીસે આ મેઇલ ક્યાંથી મોકલાયો છે તેની તપાસ કરતાં ઇમેઇલ આઇડી આ ધમકીભર્યો ઇમેઇલ કરાયા બાદ ડિલીટ કરી દેવાયું હોવાનું બહાર આવ્યું હતું. પોલીસે ઉંડી તપાસ શરુ કરી જે વ્યક્તિએ આ ઇમેઇલ મોકલ્યો હતો તેના સુધી પહોંચી હતી પણ ધમકીભર્યો ઇમેઇલ મોકલનારે જોતાં જ પોલીસના હોશકોશ ઉડી ગયા હતા.
રવિવારે દિલ્હી એરપોર્ટ પર બોમ્બની ધમકી હોવાનો મેઇલ મોકલવા બદલ 13 વર્ષના બાળકની અટકાયત કરવામાં આવી હતી. બાળકે એરપોર્ટ પર મેઈલ મોકલીને એવી અફવા ફેલાવી હતી કે દુબઈ જતી ફ્લાઈટમાં બોમ્બ મૂકવામાં આવ્યો છે. પોલીસે કહ્યું કે અન્ય કિશોરથી પ્રભાવિત થઇને આ બાળકે માત્ર મજા અને માટે બોમ્બની ધમકીનો મેલ મોકલ્યો હતો.