હિમાચલ પ્રદેશમાં વરસાદે તબાહી મચાવી છે. શિમલાના રામપુર, મંડી અને કુલ્લુના મલાનામાં વાદળ ફાટ્યા. વાદળ ફાટવાથી ભારે વિનાશ સર્જાયો છે. અનેક મકાનો, શાળાઓ અને હોસ્પિટલોને નુકસાન થયું છે. ત્રણેય જગ્યાએ ૨૫થી વધુ લોકો ગુમ થયા છે. બજારમાંથી એક લાશ મળી આવી છે. આજે મંડીમાં તમામ શાળાઓ અને શૈક્ષણિક સંસ્થાઓ બંધ રાખવામાં આવી છે.
મંડીના થલતુખોડમાં મધરાતે વાદળ ફાટતા ભારે તારાજી સર્જાઈ હતી. મકાન ધરાશાયી થયાની માહિતી છે. રોડ કનેક્ટિવિટી પણ ઠપ્પ થઈ ગઈ છે. ઘણા લોકો ગુમ છે. ત્રણ મકાનો ધોવાઈ ગયા હોવાના અહેવાલ છે. થલતુખોડમાં વાદળ ફાટવાની ઘટનામાં નવ લોકો ગુમ થયાની માહિતી મળી છે, એક લાશ મળી આવી છે. જયારે ૩૫ સલામત છે. મંડી જિલ્લા પ્રશાસને બચાવ માટે એરફોર્સને એલર્ટ કરી દીધી છે. જયારે મદદની જરૂર પડશે ત્યારે સેવાઓ માંગવામાં આવશે. એનડીઆરએફને પણ મદદ માટે વિનંતી કરવામાં આવી છે. સ્થાનિક પ્રશાસન રાહત કાર્યમાં લાગેલું છે. તૂટેલા રસ્તાઓ અને રસ્તાઓને કારણે સ્થળ પર પહોંચવામાં મુશ્કેલી પડી રહી છે.
શિમલામાં ત્રણ જગ્યાએ વાદળો ફાટયા : ૨૮ લાપતા
એક લાશ મળી : મોટાભાગના રસ્તાઓ બંધ : વાહનો પાણીમાં વહી ગયા
