અમદાવાદમાં એક અનોખો સાયબર ક્રાઈમ થયો છે. સીમ સ્વેપિંગ કરી રૂપિયા ટ્રાન્સફરનો મામલો સામે આવ્યો છે. નીવા એકસ્પોર્ટસ કંપનીનું ધી કાલુપુર કોમર્શીયલ કો.ઓપરેટીવ બેંકમાં એકાઉન્ટ હતું. જે બેંકમાં આપેલો મોબાઈલ નંબર બંધ કરાવીને આરોપીઓએ ફરીથી નવું સીમ મેળવીને તે નંબરથી રૂપિયા 2 કરોડ 29 લાખ જેટલી રકમનો ફૂલકુ ફેરવી દીધું છે. જે અંગે સાયબર ક્રાઇમ પોલીસ સ્ટેશન ફરિયાદ દાખલ કરવામાં આવી હતી.
ખાનગી કંપનીના બેંક એકાઉન્ટમાંથી ટ્રાન્સફર થયેલા રુપિયા 3 લાખ સૌરભ યાદવ નામની વ્યક્તિના ICICI બેંકના એકાઉન્ટમાં જમા થયા હોવાનું પગેરું મળતા અમદાવાદ સાયબર ક્રાઇમ સેલની તપાસ યુપીના આઝમગઢ સુધી લંબાઈ હતી. આ એકાઉન્ટ હોલ્ડર સૌરભ યાદવની ટેકનીકલ તથા હ્યુમન ઇન્ટેલીજન્સનો ઉપયોગ કરી તપાસ કરતાં સૌરભ યાદવનુ લોકેશન ગોવાનું નીકળ્યું હતું.
ગોવાથી સૌરભ યાદવને શોધી કાઢી સાયબર ક્રાઇમ પોલીસે તેની પૂછપરછ કરતા સૌરભ યાદવે જણાવ્યું હતું કે, 2021માં મારામારીના ગુનામાં આઝમગઢ જેલમાં હતો ત્યારે તેની ઓળખાણ કાર્તિકસિંહ સાથે થઈ હતી. આમ કાર્તિકસિંહે સૌરભ યાદવને જેલમાથી છૂટ્યા બાદ બે મહિના બાદ જેલમાથી જ કોલ કરી મધ્યપ્રદેશમા રહેતા પોતાને મકાન વેચવાનુ હોઈ જેના નાણા જમા કરવા માટે એકાઉન્ટ ખોલી આપવા જણાવતા સૌરભએ એકાઉન્ટ ખોલાવી આપ્યો હતો. આરોપી કાર્તિકસિંગનુ પોલીસે લોકેશન મેળવી તેના ગામ લહરપાર ખાતેથી પકડી પાડી પાંચ દિવસના રિમાન્ડ મેળવ્યા છે.
