ભારતમાં બનેલ હાઈટેક તેજસ માર્ક- ટુ 2025માં તેની પ્રથમ ઉડાન ભરી શકે છે. એરોનોટિકલ ડેવલપમેન્ટ એજન્સીએ રાજસ્થાનના જોધપુરમાં એક કાર્યક્રમ દરમિયાન આ માહિતી આપી હતી. આ કાર્યક્રમમાં પાંચમી પેઢીના ફાઈટર જેટ AMCA અને તેજસ માર્ક- ટુના મોડલ બતાવવામાં આવ્યા હતાં.
આ સ્વદેશી અને આધુનિક લડાકુ વિમાનને Indian Air Force 2035 સુધીમાં તેના કાફલામાં સામેલ કરવાનો ઉદ્દેશ નક્કી કર્યો છે. તે ઉપરાંત 2040 સુધીમાં સ્વદેશી પાંચમી પેઢીના Aircraft AMCA ને તેના કાફલામાં સામેલ કરવાનું લક્ષ્ય છે. આ કાર્યક્રમ દરમિયાન પત્રકારો સાથે વાત કરતા એરોનોટિકલ ડેવલપમેન્ટ એજન્સી (ADA) ના અધિકારી વાજી રાજપુરોહિતે જણાવ્યું હતું કે Tejas Mark-2 તેના પુરોગામી LCA Tejas Mark-1 નું એક આધુનિક ઉપકરણ છે.
LCA Tejas Mark-1 ની સરખામણીમાં આધુનિક અને વધુ શક્તિશાળી હથિયાર સાબિત થશે. આ સાથે તેમાં આધુનિક એવિઓનિક્સ, ડિજિટલ ફ્લાઇટ કંટ્રોલ સિસ્ટમ પણ સામેલ હશે. Tejas Mark-2 Aircraft ની ડિઝાઈન પૂરી થઈ ગઈ છે. વર્ષ 2025 સુધીમાં આ વિમાનની પ્રથમ ઉડાન પણ કરવામાં આવશે. ADA ના અધિકારીએ વધુમાં કહ્યું કે આ Aircraft સ્ટેલ્થ ટેક્નોલોજી પર આધારિત હશે. આમાં વિવિધ પ્રકારની તકનીકો અને ધાતુઓનો ઉપયોગ કરવામાં આવે છે. આ 5.5 જનરેશનનું Fighter Aircraft હશે. અમે તેને 2040 સુધીમાં Indian Air Forceમાં સામેલ કરવાનું લક્ષ્ય રાખીએ છીએ. આ મલ્ટી-રોલ Aircraft માં બે એન્જિન હશે.
