હરિયાણા વિધાનસભા ચૂંટણીમાં હાલમાં જ રાજકારણમાં જોડાનારી પૂર્વ રેસલર વિનેશ ફોગાટે જુલાના બેઠક પરથી 6000 મતોની બહુમતી સાથે જીત હાંસલ કરી છે. કોંગ્રેસે વિનેશ ફોગાટને અત્યંત જટિલ બેઠક પરથી ઉમેદવાર બનાવી હતી. જુલાના બેઠક પરથી ફોગાટ પૂર્વ આર્મી કેપ્ટન અને ભાજપના ઉમેદવાર યોગેશ બૈરાગીને ટક્કર આપી રહી હતી. બૈરાગીને 6000 મતોની સરસાઈથી ધોબીપછાડ આપ્યો છે. આ સિવાય જુલાના બેઠક પરથી જેજેપી તરફથી ઉમેદવાર અમરજીત ધંડા, અને આપની રેસલર કવિતા દલાલે ચૂંટણી લડી હતી.
વિનેશે તેના નજીકના હરીફ ભારતીય જનતા પાર્ટીના યોગેશ બૈરાગીને 6000થી વધુ મતોથી હરાવ્યા. આ સીટ ઉપર વિનેશ ફોગટની સામે અન્ય એક રેસલર હતી. પરંતુ તેણીને માત્ર 1200 થી વધુ મત મળ્યા આમ આદમી પાર્ટી (AAP) એ WWE કુસ્તીબાજ કવિતા રાની (કવિતા દલાલ) ને વિનેશ સામે ઉતારી હતી, જેની ડિપોઝીટ જપ્ત થઈ છે.
વિનેશ ફોગાટને કુલ 65,080 વોટ મળ્યા. જ્યારે તેના નજીકના હરીફ ભાજપના ઉમેદવાર યોગેશ કુમારને 59,065 મત મળ્યા, આમ વિનેશ ફોગાટનો 6015 મતથી વિજય થયો છે. વિનેશની સામે આમ આદમી પાર્ટીએ જુલાના વિધાનસભા સીટ પરથી રેસલર કવિતા રાનીને ટિકિટ આપી હતી જેમને માત્ર 1280 વોટ મળ્યા હતા. ગત વખતે કોંગ્રેસ આ બેઠક પર 12 ટકા મત સાથે ત્રીજા ક્રમે હતી. જેજેપીના અમરજીત ધાંડા આ સીટ પરથી ચૂંટણી જીત્યા હતા. એક વાત વિનેશ ફોગાટની તરફેણમાં જઈ શકે છે અને તે એ છે કે જેજેપી આ ક્ષેત્રમાં નબળી પડી રહી છે. જેજેપીના મતદારો ભાજપની વિરુદ્ધના મતદારો હતા, તેથી વિનેશ માટે જીતનો માર્ગ સરળ બન્યો હતો.
