ઉત્તરપ્રદેશના ઝાંસીમાં હાઈવે પર એક ટ્રક પલટી ગઈ. ટ્રકમાં 1800 કિલો ટામેટાં ભરેલા હતા. ટ્રક પલટતાની સાથે જ હાઈવે પર 50 મીટરના વિસ્તારમાં ટામેટાં વિખરાઈ ગયા. દરમિયાન પાછળથી આવતી સ્કૂટી પર સવાર મહિલા ટ્રક સાથે અથડાઈ હતી અને ઈજાગ્રસ્ત થઈ હતી. બજારમાં 80થી 120 રૂપિયા પ્રતિ કિલોના ભાવે વેચાતા ટામેટાંની લૂંટ ન થાય તે માટે પોલીસ ઘટનાસ્થળે પહોંચી હતી. ટ્રકને ઘેરી લેવામાં આવી હતી. પોલીસે સવાર સુધી ટામેટાંનો બંદોબસ્ત રાખ્યો હતો. આ ઘટના ગુરુવારે (17 ઓક્ટોબર) રાત્રે ઝાંસી-ગ્વાલિયર હાઈવે પર સિપરી બજારમાં બની હતી.
સૂત્રોના જણાવ્યા અનુસાર ગામના લોકો પણ ઘટનાસ્થળે પહોંચી ગયા હતા, પરંતુ પોલીસને જોઈને ટ્રકની નજીક ગયા નહોતા. ટામેટાંની રક્ષા કરતી પોલીસનો એક વીડિયો સામે આવ્યો છે.
