બધું જ હવામાં છે : સુપ્રીમ કોર્ટ

દિલ્હી વાયુ પ્રદૂષણ મામલે મંગળવારે સુપ્રીમ કોર્ટમાં સુનાવણી થશે. અગાઉ, 28 સપ્ટેમ્બરના રોજ યોજાયેલી સુનાવણીમાં, કોર્ટે પરાલી સળગાવવા સામે અસરકારક પગલાં ન લેવા બદલ કમીશન ફોર એર ક્વોલિટી મેનેજમેન્ટને ઠપકો આપ્યો હતો.
કોર્ટે કહ્યું હતું કે પ્રદૂષણને કારણે ઈમરજન્સી જેવી સ્થિતિ છે. CAQM ને પૂછવામાં આવ્યું કે શું પરાલી બાળવામાં કોઈ ઘટાડો થયો છે? તમે કેમ પરાલી સળગાવવા સામે અસરકારક પગલાં લેતા નથી? શા માટે સતત બેઠકો યોજવામાં આવતી નથી? તમારી કાર્યવાહી માત્ર કાગળ પર છે અને તમે મૂકપ્રેક્ષક છો. જો કાયદાનો ભંગ થશે તો કડક કાર્યવાહી કરવામાં આવશે એવો સંદેશો નહીં મોકલો તો આ જોગવાઈઓ માત્ર કાગળ પર જ રહેશે.
આ કેસની સુનાવણી જસ્ટિસ અભય એસ ઓકા અને જસ્ટિસ એજી મસીહની બેન્ચ કરી રહી છે.CAQMના અધ્યક્ષ રાજેશ વર્માએ કહ્યું કે સમિતિની રચના કર્યા બાદ તેમણે 82 કાયદાકીય આદેશો અને 15 સૂચનો જારી કર્યા છે. તેમની ટીમે 19,000 સ્થળોનું નિરીક્ષણ કર્યું છે અને 10,000થી વધુ કારખાનાઓને બંધ કરવાનો આદેશ આપ્યો છે. તેના પર કોર્ટે કહ્યું કે CAQM ત્રણ વર્ષથી અસ્તિત્વમાં છે, પરંતુ તેણે માત્ર 82 સૂચનાઓ જ આપી છે. આટલી ક્રિયા પૂરતી નથી. પંચે વધુ સક્રિય થવાની જરૂર છે. કમિશને એ સુનિશ્ચિત કરવું જોઈએ કે તેની સૂચનાઓ પ્રદૂષણની સમસ્યામાં ઘટાડો કરી રહી છે કે નહીં.
ખરેખરમાં, કેન્દ્ર સરકારે 2021માં CAQMની રચના કરી હતી. તેને દિલ્હી-એનસીઆર અને આસપાસના વિસ્તારોમાં વધતા પ્રદૂષણની સમસ્યાનો સામનો કરવા માટે તૈયાર કરવામાં આવી છે. એડિશનલ સોલિસિટર જનરલ (ASG) ઐશ્વર્યા ભાટીએ સુપ્રીમ કોર્ટમાં કેન્દ્ર વતી એફિડેવિટ વાંચી સંભળાવી. આમાં, પરાલી સંકટનો સામનો કરવા માટે સલાહ અને માર્ગદર્શિકા જારી કરવા જેવા પગલાં વિશે માહિતી આપવામાં આવી હતી. પરંતુ કોર્ટ આ પ્રયાસોથી ખુશ જણાતી નહોતી. જસ્ટિસ ઓકાએ કહ્યું, ‘બધું હવામાં છે. NCR રાજ્યોમાં શું કરવામાં આવ્યું છે તે વિશે અમને કંઈપણ કહેવામાં આવ્યું ન હતું.