ફટાકડા પર પ્રતિબંધ મામલે સુપ્રીમમાં આજે સુનાવણી

દિલ્હીમાં ફટાકડા પર પ્રતિબંધને લઈને સુપ્રીમ કોર્ટમાં આજે સુનાવણી થશે. 11 નવેમ્બરે છેલ્લી સુનાવણીમાં દિલ્હી સરકારને 25 નવેમ્બર પહેલા રાજધાનીમાં વર્ષભરના ફટાકડા પર પ્રતિબંધ અંગે નિર્ણય લેવા માટે કહેવામાં આવ્યું હતું. દિલ્હી સરકારના વકીલે કોર્ટ સમક્ષ કહ્યું હતું કે અમે તમામ સંબંધિત વિભાગો સાથે ચર્ચા કર્યા બાદ આખા વર્ષ માટે ફટાકડા પર પ્રતિબંધ લાગુ કરવાનો નિર્ણય લઈશું.
જસ્ટિસ અભય ઓક અને જસ્ટિસ ઑગસ્ટિન જ્યોર્જ મસીહની સુપ્રીમ કોર્ટની બેન્ચે દિલ્હી પોલીસને કહ્યું, “દિલ્હી પોલીસે પ્રતિબંધોનો ગંભીરતાથી અમલ કર્યો નથી.”કોર્ટે કહ્યું હતું કે દિલ્હી પોલીસ કમિશનરે ફટાકડા પર પ્રતિબંધ મૂકવા માટે એક વિશેષ સેલ બનાવવો જોઈએ. કોર્ટે દિલ્હી સરકારને 25 નવેમ્બર પહેલા ફટાકડા પર કાયમી પ્રતિબંધનો નિર્ણય લેવાનો નિર્દેશ આપ્યો છે. વરિષ્ઠ એડવોકેટ અપરાજિતા સિંહની અપીલ પર આ કેસ નોંધવામાં આવ્યો છે. જેમણે દિલ્હીની વર્તમાન સ્થિતિને જોતા તાત્કાલિક સુનાવણીની માંગ કરી હતી.14 નવેમ્બરના રોજ એમિકસ ક્યુરીએ કહ્યું હતું – દિલ્હી સરકારે પ્રદૂષણ માટે કંઈ કર્યું નથી, સ્થિતિ ગંભીર છે. દિલ્હી વિશ્વનું સૌથી પ્રદૂષિત શહેર ન બને.