કોલકાતા, પશ્ચિમ બંગાળ સ્થિત ઇન્ટરનેશનલ સોસાયટી ફોર ક્રિષ્ના કોન્શિયસનેસ (ઇસ્કોન)ના પ્રવક્તા રાધારમણ દાસે સોમવારે દાવો કર્યો હતો કે બાંગ્લાદેશમાં આધ્યાત્મિક નેતા ચિન્મય કૃષ્ણ દાસનો બચાવ કરનારા વકીલ રમણ રોય પર નિર્દયતાથી હુમલો કરવામાં આવ્યો છે અને તેમની હાલત ગંભીર છે. દાસના કહેવા પ્રમાણે, પાડોશી દેશના કટ્ટરપંથીઓએ રોયના ઘરમાં ઘૂસીને તેમના પર હુમલો કર્યો હતો. તેણે કહ્યું કે રોયનો એક માત્ર દોષ એ હતો કે તેમણે કોર્ટમાં ચિન્મય કૃષ્ણ દાસનો બચાવ કર્યો હતો.
વકીલ રમન રોય પર જીવલેણ હુમલો ISCON કોલકાતાના પ્રવક્તાએ દાવો કર્યો કે આ હુમલામાં રોય ગંભીર રીતે ઘાયલ થયા છે અને તેઓ હાલમાં ICUમાં છે. સોશિયલ મીડિયા પ્લેટફોર્મ X પર એક પોસ્ટમાં, તેણે ICUમાં દાખલ રોયની એક તસવીર શેર કરી અને કહ્યું, કૃપા કરીને એડવોકેટ રમણ રોય માટે પ્રાર્થના કરો. તેમનો એક માત્ર દોષ એ હતો કે તેણે કોર્ટમાં ચિન્મય કૃષ્ણ પ્રભુનો બચાવ કર્યો હતો. ત્યાંના કટ્ટરપંથીઓએ તેના ઘરમાં તોડફોડ કરી અને તેમના પર ઘાતકી હુમલો કર્યો. તે આઈસીયુમાં દાખલ છે અને જીવન માટે લડી રહ્યા છે. બાંગ્લાદેશના હિન્દુઓને બચાવો. ચિન્મય કૃષ્ણ દાસને મુક્ત કરો.
