બાંગ્લાદેશની રાજધાની ઢાકામાં બાંગ્લાદેશ નેશનાલિસ્ટ પાર્ટી (BNP) એ રવિવારે ભારતના વિરોધમાં ભારતીય હાઈ કમિશનની સામે લોંગ માર્ચ કાઢી હતી. જોકે, પોલીસે આ કૂચ અધવચ્ચે જ અટકાવી દીધી હતી. આ પછી BNPના પ્રતિનિધિ જૂથને પોલીસની મદદથી ભારતીય હાઈ કમિશનને એક મેમોરેન્ડમ રજૂ કરવાની મંજૂરી આપવામાં આવી હતી.
આ દરમિયાન BNPના સંયુક્ત મહાસચિવ રૂહુલ કબીર રિઝવીએ ભારત વિરોધી નિવેદનો આપ્યા હતા. રિઝવીએ કહ્યું- ભારત દરેક પગલા પર બાંગ્લાદેશને નુકસાન પહોંચાડી શકે છે. તેમણે શેખ હસીનાને આશરો આપ્યો કારણ કે તે બાંગ્લાદેશના લોકોને પસંદ નથી. ભારત કોઈની સાથે મિત્રતા ન કરી શકે. તેમણે કહ્યું કે, જો ભારત ચટગાંવ માંગશે તો અમે બંગાળ, બિહાર અને ઓડિશા પરત લઈશું. ભારતમાં કોમવાદ ઘણો છે. શેખ હસીનાએ માત્ર દિલ્હીના આશીર્વાદથી બાંગ્લાદેશમાં 16 વર્ષ શાસન કર્યું. ભારતે પણ વકીલ અલીફની હત્યા અંગે કશું કહ્યું નથી.
26 નવેમ્બરના રોજ ચટગાંવમાં વકીલ સૈફુલ ઈસ્લામ ઉર્ફે અલીફનું ચિન્મય પ્રભુના સમર્થનમાં પ્રદર્શન દરમિયાન મોત થયું હતું. વકીલનું મૃત્યુ કેવી રીતે થયું તે જાણી શકાયું નથી. BNP નેતા રૂહુલ કબીર રિઝવીનું કહેવું છે કે, શેખ હસીનાએ દિલ્હીની મદદથી 16 વર્ષ સુધી બાંગ્લાદેશમાં સરકાર ચલાવી.
BNP નેતા રૂહુલ કબીર રિઝવીનું કહેવું છે કે, શેખ હસીનાએ દિલ્હીની મદદથી 16 વર્ષ સુધી બાંગ્લાદેશમાં સરકાર ચલાવી. રૂહુલ કબીર રિઝવી સતત ભારત વિરોધી નિવેદનો આપી રહ્યા છે. થોડા દિવસો પહેલા તેઓએ ભારતીય સાડીઓ સળગાવીને ભારતનો વિરોધ કર્યો હતો. ત્યાર બાદ તેમણે પાર્ટીના તમામ કાર્યકર્તાઓને તમામ ભારતીય ઉત્પાદનોનો બહિષ્કાર કરવાની અપીલ કરી હતી.
દરમિયાન સવારથી ભારતીય હાઈ કમિશનની સામે ચુસ્ત સુરક્ષા બંદોબસ્ત ગોઠવી દેવામાં આવ્યો છે. સેનાની ત્રણ પ્લાટુન સાથે પોલીસ પણ અહીં હાજર છે. આ દરમિયાન કેટલાક સામાન્ય મુસાફરોને પણ અટકાવવામાં આવ્યા હતા અને જો તેઓ શંકાસ્પદ જણાય તો તેમની પૂછપરછ કરવામાં આવી હતી.
ઇસ્કોન મંદિરમાં પેટ્રોલ રેડીને આગ લગાડી, મૂર્તિઓ સહિતનો તમામ સામાન સળગાવી દીધો
બાંગ્લાદેશમાં કટ્ટરપંથીઓએ ફરી એકવાર ઇસ્કોન મંદિરને નિશાન બનાવ્યું છે. શનિવારે રાજધાની ઢાકાના ઇસ્કોન મંદિરમાં આગ લાગી હતી. કોલકાતા ઇસ્કોનના ઉપાધ્યક્ષ રાધારમણ દાસે PTIને જણાવ્યું કે, બાંગ્લાદેશમાં વૈષ્ણવ સંપ્રદાય અને ઇસ્કોનના સભ્યોને નિશાન બનાવીને સતત હુમલા કરવામાં આવી રહ્યા છે.
