પૂર્વ ગૃહમંત્રી લાલકૃષ્ણ અડવાણીની તબિયત નાદુરસ્ત

દેશના પૂર્વ ગૃહમંત્રી અને ભારતીય જનતા પાર્ટીના વરિષ્ઠ નેતા લાલકૃષ્ણ અડવાણીને રૂટીન ચેકઅપ માટે દિલ્હીની એપોલો હોસ્પિટલમાં દાખલ કરવામાં આવ્યા છે. છેલ્લા બે અઠવાડિયાથી તેમની તબિયત નાદુરસ્ત હતી. અડવાણી ને આ વર્ષે જુલાઈ મહિનામાં પણ અપોલો હોસ્પિટલમાં દાખલ કરવામાં આવ્યા હતા. ત્યારબાદ તેમની તબિયતમાં સુધારો થતાં તેમને રજા આપવામાં આવી હતી. તેના એક મહિના પહેલા 26 જૂને રાત્રે 10:30 વાગ્યે તેમને દિલ્હી એમ્સના યુરોલોજી વિભાગમાં સારવાર માટે દાખલ કરવામાં આવ્યા હતા. બીજા દિવસે તેને રજા આપવામાં આવી.
આ અગાઉ પણ અડવાણીને તબિયત સંબંધિત સમસ્યાઓનો સામનો કરવો પડ્યો હતો. જુલાઈ મહિનામાં પણ તેમને તબિયત બગડતા એપોલો હોસ્પિટલમાં દાખલ કરવામાં આવ્યા હતા. આ સારવાર બાદ તેમની તબિયતમાં સુધારો થતાં તેમને રજા આપવામાં આવી હતી. પરંતુ તબિયત ફરી નબળી થતા, તેમની યોગ્ય સારવાર અને ચેંકઅપ માટે ફરીથી હોસ્પિટલમાં દાખલ કરવામાં આવ્યા છે.