કોંગ્રેસના સાંસદ અને લોકસભામાં વિપક્ષના નેતા રાહુલ ગાંધી ગુરુવારે મોડી રાત્રે દિલ્હીની એઈમ્સ હોસ્પિટલની બહાર પહોંચ્યા હતા. હોસ્પિટલની આસપાસ શેરીઓ, ફૂટપાથ અને સબવે પર ધામા નાખેલા ઘણા દર્દીઓ અને તેમના પરિવારોને મળ્યા હતા. રાહુલે કેન્દ્ર અને દિલ્હી સરકાર પર તેમના પ્રત્યે અસંવેદનશીલતા દાખવવાનો આરોપ લગાવ્યો છે. તેમણે લોકોની સમસ્યાઓ અને ફરિયાદો વિશે માહિતી મેળવી છે.
ગાંધીએ ઇન્સ્ટાગ્રામ પર લખ્યું, ‘રોગનો ભાર, ઠંડી અને સરકારની અસંવેદનશીલતા. આજે હું AIIMS ની બહાર દર્દીઓ અને તેમના પરિવારોને મળ્યો, જેઓ દૂર દૂરથી સારવારની શોધમાં આવ્યા છે. “સારવાર માટે જતી વખતે, તેઓને શેરીઓ, ફૂટપાથ અને સબવે પર સૂવાની ફરજ પાડવામાં આવે છે – ઠંડી જમીન, ભૂખ અને અસુવિધાઓનો સામનો કરીને, આ બધાની વચ્ચે પણ એક આશા છે. કેન્દ્ર અને દિલ્હી બંને સરકાર જનતા પ્રત્યેની પોતાની જવાબદારીઓ નિભાવવામાં સંપૂર્ણપણે નિષ્ફળ ગઈ છે.
