22 ફેબ્રુઆરી શનિવારથી 26 ફેબ્રુઆરી સુધી પ્રયાગરાજ તરફ જતી 10 જેટલી ટ્રેનોને પશ્ચિમ રેલવે દ્વારા
રદ કરવામાં આવી છે. ઉત્તર પ્રદેશના પ્રયાગરાજ ખાતે કુંભમેળામાં હજી પણ લોકો સંગમ સ્નાન માટે
પહોંચી રહ્યા છે. પ્રયાગરાજ ખાતે દિન પ્રતિદિન ભીડ ઓછી થવાની જગ્યાએ વધી રહી છે. પ્રયાગરાજ
ખાતે ખૂબ મોટી સંખ્યામાં લોકોની ભીડ અને રેલવે સ્ટેશન પણ ટ્રેનોનું અવરજવર વધી ગયું હોવાથી
ટ્રેનો રદ કરવામાં આવી છે. ટ્રેન રદ થઈ હોવાના કારણે અંદાજે 10,000 અમદાવાદથી પ્રયાગરાજ
જનારા મુસાફરો જઈ શકશે નહીં. જોકે, તમામ મુસાફરોને રેલવે દ્વારા રિફંડ આપવામાં આવશે.
22થી 26 ફેબ્રુઆરીસુધી અમદાવાદથી ચાલતી ટ્રેન નંબર 19483 અમદાવાદ-બરૌની એક્સપ્રેસ , 24થી
28 ફેબ્રુઆરી સુધી બરૌનીથી ચાલતી ટ્રેન નંબર 19484 બરૌની-અમદાવાદ એક્સપ્રેસ, 25 ફેબ્રુઆરીના
રોજ અમદાવાદથી ચાલતી ટ્રેન નંબર 19489 અમદાવાદ-ગોરખપુર એક્સપ્રેસ, 26 ફેબ્રુઆરીના
ગોરખપુરથી ચાલતી ટ્રેન નંબર 19490 ગોરખપુર-અમદાવાદ એક્સપ્રેસ, 26 ફેબ્રુઆરી 2025ના રોજ
અમદાવાદથી ચાલતી ટ્રેન નંબર 12947 અમદાવાદ-પટના એક્સપ્રેસ રદ રહેશે. 28 ફેબ્રુઆરીના પટનાથી
ચાલતી ટ્રેન નંબર 12948 પટના-અમદાવાદ એક્સપ્રેસ, 25 ફેબ્રુઆરીના રોજ એકતાનગરથી ચાલતી ટ્રેન
નંબર 20903 એકતા નગર-વારાણસી એક્સપ્રેસ, 27 ફેબ્રુઆરીના વારાણસીથી ચાલતી ટ્રેન નંબર 20904
વારાણસી-એકતા નગર એક્સપ્રેસ, 25 ફેબ્રુઆરીના ભાવનગરથી ચાલતી ટ્રેન નંબર 12941
ભાવનગર-આસનસોલ એક્સપ્રેસ, 27 ફેબ્રુઆરીના રોજ આસનસોલથી ચાલતી ટ્રેન નંબર 12942
આસનસોલ-ભાવનગર એક્સપ્રેસ રદ રહેશે.
