પૂર્વ કેન્દ્રીય મંત્રી અને કોંગ્રેસ નેતા મણિશંકર ઐયરે ફરી એકવાર વિવાદાસ્પદ નિવેદન આપ્યું છે. આ વખતે તેમણે પૂર્વ વડાપ્રધાન રાજીવ ગાંધીના શિક્ષણ પર સવાલ ઉઠાવ્યા છે. તેમણે એક મુલાકાતમાં કહ્યું હતું કે, ‘આશ્ચર્યજનક છે કે આટલો નબળો શૈક્ષણિક રેકોર્ડ ધરાવતા માણસને વડાપ્રધાન કેવી રીતે બનાવવામાં આવ્યો.’ભાજપના નેતા અમિત માલવિયાએ બુધવારે તેમના X હેન્ડલ પર ઐયરના ઇન્ટરવ્યૂનો વીડિયો શેર કર્યો. આમાં તેઓ કહી રહ્યા છે કે, જ્યારે રાજીવ વડાપ્રધાન બન્યા, ત્યારે મને લાગ્યું કે તેઓ એરલાઇન પાઇલટ છે. તેઓ બે વાર નિષ્ફળ ગયા છે, આવી વ્યક્તિ પ્રધાનમંત્રી કેવી રીતે બની શકે?
સમાચાર એજન્સી પીટીઆઈને આપેલા ઇન્ટરવ્યૂમાં, ઐયરે બે કહાનીઓ કહી હતી. તેમણે કહ્યું હતું કે એકવાર તેમને રાહુલ ગાંધીને શુભેચ્છાઓ પાઠવવા માટે પ્રિયંકા ગાંધીને ફોન કરવો પડ્યો હતો. ઉપરાંત, એકવાર તેમણે સોનિયા ગાંધીને મેરી ક્રિસમસની શુભેચ્છા પાઠવી, ત્યારે મેડમે કહ્યું- ‘હું ખ્રિસ્તી નથી’.મણિશંકર ઐયરે તેમના પુસ્તક ‘મણિશંકર ઐય્યર: અ મેવેરિક ઇન પોલિટિક્સ’માં જણાવ્યું છે કે, રાહુલ ગાંધીએ તેમને 2024ની ચૂંટણીમાં ટિકિટ આપી ન હતી અને તેમણે કહ્યું હતું કે- મણિશંકર ઐય્યરને ક્યારેય ટિકિટ આપવામાં આવશે નહીં કારણ કે તેઓ ખૂબ વૃદ્ધ થઈ ગયા છે. ઐય્યર તમિલનાડુની મયિલાદુથુરાઈ બેઠક પરથી ત્રણ વખત લોકસભા ચૂંટણી જીતી ચૂક્યા છે અને રાજ્યસભાના સાંસદ પણ રહી ચૂક્યા છે.
મણિશંકરના નિવેદન પર કોંગ્રેસ નેતા હરીશ રાવતે કહ્યું, હું કોઈપણ હતાશ વ્યક્તિ પર ટિપ્પણી કરવા માંગતો નથી. હું રાજીવ ગાંધીને જાણતો હતો, તેમણે દેશને આધુનિક દ્રષ્ટિ આપી હતી.
રાજીવ બે વાર ફેલ થવા છતાં PM બન્યા: મણિશંકર ઐયરે ફરી એકવાર વિવાદાસ્પદ નિવેદન આપ્યું
રાજીવે દેશને વિઝન આપ્યું : કોંગ્રેસ નેતા હરીશ રાવત
