સાબરકાંઠા જિલ્લાના ઈડર-ખેડબ્રહ્મા હાઈવે પર ગોઝારો અકસ્માત સર્જાયો હતો, જેમાં 15થી વધુ લોકો ઘાયલ થયા હતા અને 4 લોકોના મોત થયા હતા. આ અકસ્માત ટ્રકની પાછળ એક જીપ ઘૂસી જતાં સર્જાયો હતો. પ્રાથમિક માહિતી અનુસાર, જીપમાં 40થી વધુ શ્રમિકો સવાર હતા, જે ઈડર તરફથી મજૂરી કામ પૂર્ણ કરીને પોતાના ઘરે પરત ફરી રહ્યા હતા. અકસ્માતમાં 15થી વધુ લોકો ગંભીર રીતે ઘાયલ થયા છે, જેમને તાત્કાલિક વડાલી અને ઈડર હોસ્પિટલમાં રિફર કરવામાં આવ્યા છે.
સૂત્રોના જણાવ્યા મુજબ, 108 એમ્બ્યુલન્સ અને પોલીસની ટીમ ઘટના સ્થળે પહોંચી હતી અને રાહત કાર્ય શરૂ કર્યું હતું. અકસ્માતના કારણે સ્ટેટ હાઈવે પર ટ્રાફિક અવરોધિત થઈ ગયો હતો.
