15 એપ્રિલ શ્રીનગરમાં 80 વર્ષમાં સૌથી ગરમ દિવસ રહ્યો

હવામાન વિભાગે જણાવ્યું હતું કે 15 એપ્રિલનો દિવસ શ્રીનગરમાં છેલ્લા 80 વર્ષમાં સૌથી ગરમ દિવસ હતો. શહેરનું તાપમાન 30.4 ડિગ્રી સેલ્સિયસ નોંધાયું હતું, જે સામાન્ય કરતાં 10.2 ડિગ્રી વધારે હતું. શ્રીનગરમાં આ સમયે સરેરાશ તાપમાન 20.2 ડિગ્રી સેલ્સિયસ છે. અગાઉ, 20 એપ્રિલ, 1946ના રોજ જમ્મુ અને કાશ્મીરની ઉનાળામાં 31.1 ડિગ્રીનું સૌથી વધુ તાપમાન નોંધાયું હતું. અધિકારીઓએ જણાવ્યું હતું કે 15 એપ્રિલે, કાશ્મીર ખીણના વિવિધ વિસ્તારોમાં તાપમાન સામાન્ય કરતા 8.1 થી 11.2 ડિગ્રી વધુ હતું.
રાજસ્થાનનું બાડમેર સતત બીજા દિવસે દેશનું સૌથી ગરમ સ્થળ રહ્યું. જિલ્લાનું તાપમાન 45.5 ડિગ્રી સેલ્સિયસ નોંધાયું હતું. હવામાન વિભાગે આગામી ત્રણથી ચાર દિવસમાં તાપમાનમાં વધારો થવાની આગાહી કરી છે.
હવામાન વિભાગે બુધવારે દેશના 25 રાજ્યોમાં વાવાઝોડા અને વરસાદની આગાહી કરી છે. બિહાર, આસામ અને ઓડિશામાં ભારે વરસાદની શક્યતા છે. ઝારખંડ, ઓડિશા અને મેઘાલયમાં પણ કરા પડી શકે છેઆ તરફ, હિમાચલમાં કરા અને વાવાઝોડાનું ઓરેન્જ એલર્ટ આપવામાં આવ્યું છે. અહીંના ચાર જિલ્લામાં પણ ભારે વરસાદ પડી શકે છે. આગામી 5 દિવસ રાજ્યમાં હવામાન ખરાબ રહેશે. આજે હરિયાણામાં ઝરમર વરસાદની શક્યતા છે, જેના કારણે તાપમાનમાં ઘટાડો થશે. બિહારના 22 જિલ્લાઓમાં વરસાદ અને તોફાન માટે યલો એલર્ટ જાહેર કરવામાં આવ્યું છે.