અમદાવાદમાં મોડી રાત્રે ભારે પવન સાથે જોરદાર વરસાદ

રાજ્યમાં બે દિવસથી સૌરાષ્ટ્ર અને દક્ષિણ ગુજરાત સહિત અનેક જિલ્લામાં ભારેથી અતિભારે વરસાદી

માહોલ જામ્યો છે. અમદાવાદ શહેરમાં બુધવાર (18મી જૂન)ની રાત્રે વીજળીના કડાકા-ભડાકા સાથે

વરસાદ તૂટી પડ્યો હતો. એસ. જી. હાઈવે, જોધપુર, વેજલપુર, વસ્ત્રાપુર, નહેરુનગર, પાલડી, વાસણા,

જુહાપુરા, મકરબા, સરખેજ, નવાપુરા, ચાંગોદર, સાણંદ, બોપલ, શેલા અને શિલજ સહિતના વિસ્તારમાં

વરસાદ ખાબક્યો હતો. ભારે વરસાદના કારણે શહેરના રોડ-રસ્તા પર પાણી ફરી વળ્યા છે. અનેક

અંડરપાસમાં પાણી ભરાયા છે. નીચાણવાળા વિસ્તારમાં પણ પાણી ભરાયાતા વાહનચાલકો અટવાયા

હતા.
રાજ્યમાં તા.20-21 જૂનના રોજ તાપી, નવસારી, ડાંગ, વલસાડ જિલ્લામાં ગાજવીજ સાથે ભારે

વરસાદને પગલે યલો એલર્ટ જાહેર કર્યું છે. 22 જૂને રાજ્યના 9 જિલ્લામાં ગાજવીજ સાથે ભારેથી

અતિભારે વરસાદી માહોલ રહેશે. જેમાં નવસારી અને વલસાડમાં અતિભારે વરસાદને લઈને ઑરેન્જ

ઍલર્ટ અને અમરેલી, ભાવનગર, ભરૂચ, નર્મદા, સુરત, તાપી, ડાંગ જિલ્લામાં ભારે વરસાદને લઈને

હવામાન વિભાગે યલો ઍલર્ટ જાહેર કર્યું છે.

10 જિલ્લામાં વરસાદનું યલો-ઑરેન્જ જાહેર
રાજ્યના હવામાન વિભાગ અનુસાર આજે ગુરુવારે ગીર સોમનાથ, અમરેલી, ભાવનગર, ભરૂચ, નર્મદા,

સુરત, તાપી, ડાંગ, નવસારી, વલસાડ જિલ્લામાં ભારે વરસાદને લઈને યલો ઍલર્ટ જાહેર કર્યું છે.

ગાંધીનગરમાં અંડરબ્રિજમાં બે લક્ઝરી ફસાઇ
ગાંધીનગરના સેક્ટર-16માં આવેલા અંડર પાસમાં વરસાદી પાણી ભરાઈ ગયા છે. જેને લઇને બે લક્ઝરી

બસ ફસાઈ જતા ગાંધીનગર ફાયર વિભાગે 5 જેટલા લોકોને અંડરપાસમાંથી રેસ્ક્યૂ કરીને બહાર કાઢ્યા

હતા.

અમદાવાદના અનેક વિસ્તારોમાં પાણી ભરાયા
મધરાતે ખાબકેલા વરસાદના કારણે અમદાવાદના અનેક વિસ્તારોમાં પાણી ભરાયા છે. બોપલની સ્ટર્લિંગ

સિટીમાં એક થી બે ફૂટ સુધી પાણી ભરાઇ ગયા છે. અહીં શાળા અને TCSનું પરીક્ષા કેન્દ્ર આવેલું છે.

શાળાએ પહોંચી રહેલા વિદ્યાર્થીઓએ પણ હાલાકીનો સામનો કરવો પડી રહ્યો છે.